लेहेंगा है महंगा तेरा...म्हणून निवडा ६ बेस्ट कॉण्ट्रास्ट पॅटर्न, पाहा वेडिंग स्पेशल लेहेंग्याचे डिझायनर रंग...

Top Trending Contrast Combinations : latest contrast lehenga color for wedding : wedding lehenga contrast color combination trends : लेहेंग्यासाठी भन्नाट कॉन्ट्रास्ट कॉम्बिनेशन! रंगसंगती पाहून म्हणाल वा...सर्वात हिट आणि ट्रेंडी कलर जोड्या...

लग्नाचा सिझन सुरू झाला की, प्रत्येक मुलीच्या मनात एकच विचार असतो - "मी सर्वात सुंदर कशी दिसेन?" पूर्वी लेहेंगा म्हटलं की एकाच रंगाचा ब्लाऊज, ओढणी आणि लेहेंगा असायचा. पण आता काळ बदलला तसे, सध्या फॅशन वर्ल्डमध्ये 'कॉन्ट्रास्ट' रंगाची हटके आणि अनोखी फॅशन आहे. दोन अगदी विरुद्ध पण एकमेकांना पूरक असणारे रंग जेव्हा एकत्र येतात, तेव्हा एक असा 'लुक' तयार होतो जो सर्वांच्या नजरा खिळवून ठेवतो(Top Trending Contrast Combinations).

लग्नसमारंभात लेहेंगा हा प्रत्येक मुलीचा फेव्हरेट आउटफिट असतो. पण फक्त (latest contrast lehenga color for wedding) लेहेंगा सुंदर असणं पुरेसं नसतं; त्याचा कॉन्ट्रास्ट कॉम्बिनेशन योग्य असेल तरच संपूर्ण लुक उठून दिसतो. चोळी, दुपट्टा आणि लेहेंग्याचा रंग एकमेकांना पूरक असेल तर तुमचा लुक अधिक आकर्षक, रॉयल आणि फोटोजेनिक दिसतो.

आजकाल पारंपरिक लाल-हिरव्या जोडीसोबतच पेस्टल-डार्क, गोल्ड-रॉयल ब्लू, पिंक-ऑरेंज अशा हटके कॉम्बिनेशन्सलाही प्रचंड मागणी आहे. योग्य रंगसंगती निवडली तर त्वचेचा टोन खुलतो आणि वेडिंग फोटोंमध्ये लुक अधिकच उठून दिसतो.

जर तुम्ही तुमच्या लग्नासाठी किंवा जवळच्या व्यक्तीच्या लग्नासाठी लेहेंगा (wedding lehenga contrast color combination trends) शिवणार असाल, तर केवळ लाल किंवा गुलाबी रंगाचा विचार करू नका. आजकाल कॉन्ट्रास्ट रंगात असे अनेक पर्याय आज उपलब्ध आहेत. पाहूया असे काही 'एव्हरग्रीन' आणि 'ट्रेंडी' कॉन्ट्रास्ट कॉम्बिनेशन्स, जे तुम्हाला गर्दीतही सर्वात खास लूक देतील...

१. हॉट पिंक आणि फॉरेस्ट ग्रीन :-

हॉट पिंक (Hot Pink) आणि फॉरेस्ट ग्रीन (Forest Green) हे सध्याचे सर्वात 'बोल्ड' आणि 'रॉयल' कॉम्बिनेशन मानले जाते. हॉट पिंकचा ब्राइट आणि फ्रेश टोन तर फॉरेस्ट ग्रीनचा गडद, रॉयल शेड – दोन्ही रंग एकत्र आल्यावर लुक अधिक उठून दिसतो आणि फोटोंमध्येही अप्रतिम दिसतो. हा लूक खूप 'व्हायब्रंट' दिसतो. जर तुमच्या लेहेंग्यावर सोनेरी किंवा कुंदन वर्क असेल, तर हे रंग अधिकच खुलून दिसतात. हॉट पिंक आणि फॉरेस्ट ग्रीन हे दोन्ही रंग पारंपरिकता आणि मॉडर्न यांचे फ्युजन आहे.

२. डार्क टेल आणि रस्ट ऑरेंज :-

डार्क टील (Dark Teal) आणि रस्ट ऑरेंज (Rust Orange) हे एक अत्यंत युनिक आणि 'अँटिक' वाटणारं कॉम्बिनेशन आहे. जर तुम्हाला गर्दीत वेगळं दिसायचं असेल आणि पारंपारिक लाल-हिरव्या रंगांपेक्षा काहीतरी हटके हवं असेल, तर हे कॉम्बिनेशन तुमच्यासाठी परफेक्ट आहे. हे कॉम्बिनेशन विशेषतः अशा मुलींसाठी आहे ज्यांना 'विंटेज' किंवा 'बोल्ड' लूक आवडतो. डार्क टील रंगाचा घेरदार लेहेंगा आणि त्यावर रस्ट ऑरेंज रंगाचा ब्रोकेड किंवा सिल्क ब्लाऊज अतिशय 'रिच' दिसतो. हे कॉम्बिनेशन नाईट फंक्शन, लग्न किंवा रिसेप्शनसाठी उत्तम आहे. पूर्ण लेहेंगा आणि ब्लाऊज डार्क टील ठेवा आणि त्यावर एक भरजरी रस्ट ऑरेंज रंगाची बांधणी किंवा पटोला ओढणी घ्या. यामुळे एक सुंदर कॉन्ट्रास्ट तयार होतो. जर डार्क टील लेहेंग्यावर रस्ट रंगाच्या धाग्यांनी नक्षीकाम केलं असेल, तर तो लेहेंगा अधिकच क्लासी वाटतो.

३. ॲक्वा ब्लू आणि ब्लश पिंक :-

ॲक्वा ब्लू (Aqua Blue) आणि ब्लश पिंक (Blush Pink) हे कॉम्बिनेशन म्हणजे जणू 'स्वप्नातल्या परीसारखा' लूक! हे रंग अतिशय शांत, सुखद आणि डोळ्यांना थंडावा देणारे आहेत. विशेषतः उन्हाळ्यातील लग्नासाठी किंवा डे-वेडिंग साठी हे सर्वात ट्रेंडी कॉम्बिनेशन मानलं जातं. जर तुम्हाला जास्त गडद किंवा भडक रंग आवडत नसतील, तर हे 'पेस्टल फ्युजन' तुमच्यासाठी सर्वोत्तम आहे. अक्वा ब्लूचा थंड, शांत टोन आणि ब्लश पिंकचा नाजूक, सॉफ्ट शेड एकत्र आल्यावर लुक खूपच सोज्वळ आणि फोटोजेनिक दिसतो. हलक्या निळ्या रंगाचा फ्लोरल किंवा नेटचा लेहेंगा आणि त्यावर नाजूक ब्लश पिंक रंगाची नेटची ओढणी तुम्हाला एखाद्या राजकन्येसारखा लूक देते. या हलक्या रंगांवर पांढऱ्या धाग्यांची 'चिकनकारी' किंवा चांदीचे 'सिक्वेन्स वर्क' खूप सुंदर दिसते.

४. प्लम पिंक आणि प्लम पर्पल :-

लग्नसराईत हटके पण एलिगंट लुक हवा असेल तर प्लम पिंक आणि प्लम पर्पल हे कॉम्बिनेशन एकदम परफेक्ट ठरते. प्लम पिंक (Plum Pink) आणि प्लम पर्पल (Plum Purple) हे कॉम्बिनेशन म्हणजे एक अतिशय 'रिच' आणि 'रॉयल' दिसते. एकाच रंगाच्या दोन वेगवेगळ्या छटा (Shades) एकत्र आल्यावर जो 'मोनोक्रोमॅटिक' पण तरीही 'कॉन्ट्रास्ट' लूक मिळतो. हे रंग गडद असल्याने ते भारतीय स्किन टोनवर अतिशय खुलून दिसतात आणि लग्नासारख्या मोठ्या कार्यक्रमात एक वेगळीच छाप पाडतो. प्लम पर्पल लेहेंग्यावर प्लम पिंक रंगाच्या रेशमी धाग्यांनी केलेलं नक्षीकाम हल्ली खूप ट्रेंडमध्ये आहे. हे दिसायला अतिशय नाजूक आणि महागडं वाटतं. प्लम पर्पल रंग 'वेलवेट' फॅब्रिकवर अतिशय रॉयल दिसतो. त्यावर जर हॉट प्लम पिंक रंगाचं सिल्कचं जॅकेट किंवा ब्लाउज असेल, तर तुमचा लूक एखाद्या महाराणीसारखा दिसेल.

५. इमराल्ड ग्रीन आणि मस्टर्ड यल्लो :-

इमराल्ड ग्रीन (Emerald Green) आणि मस्टर्ड यलो (Mustard Yellow) हे कॉम्बिनेशन म्हणजे जणू निसर्गातील ताजेपणा आणि सोन्याची झळाळी यांचा संगम! हे दोन्ही रंग अत्यंत 'व्हायब्रंट' आणि 'रॉयल' आहेत. इमराल्ड ग्रीनचा गडद, राजेशाही टोन आणि मस्टर्ड यलोचा उबदार, तेजस्वी शेड एकत्र आल्यावर लुक खूपच आकर्षक वाटतो. खासकरून हळद, मेहेंदी किंवा डे वेडिंगसाठी हा पर्याय जबरदस्त दिसतो.

६. लेमन यल्लो आणि स्काय ब्लू :-

लेमन यलो (Lemon Yellow) आणि स्काय ब्लू (Sky Blue) हे कॉम्बिनेशन अत्यंत फ्रेश, व्हायब्रंट आणि उन्हाळ्यातील लग्नांसाठी सर्वात जास्त पसंती दिले जाणारे पेस्टल कॉम्बिनेशन आहे. जर तुम्हाला जड आणि गडद रंगांचा कंटाळा आला असेल आणि तुम्हाला लग्नात 'लाईटवेट' पण 'आय-कॅची' दिसायचे असेल, तर या दोन रंगांची निवड करा. हे कॉम्बिनेशन चेहऱ्यावर एक वेगळीच चमक आणते आणि फोटोंमध्ये अतिशय सुंदर दिसते. पिवळ्या रंगाच्या लेहेंग्यावर आकाश निळ्या रंगाचा एम्ब्रॉयडरी असलेला ब्लाऊज तुम्हाला गर्दीत वेगळे पाडेल. स्काय ब्लू रंगाचा नेट किंवा ऑर्गन्झा लेहेंगा आणि त्यावर लेमन यलो रंगाची हलकी ओढणी घेतल्यास तुम्ही एखाद्या परीसारख्या दिसाल. या दोन्ही फिकट रंगांवर 'मिरर वर्क' अतिशय सुंदर दिसते. प्रकाशात जेव्हा हे आरसे चमकतात, तेव्हा लेहेंग्याचा लूक अधिकच प्रीमियम वाटतो.