अस्से ब्लाऊज सुरेख बाई! पाहा नवरीसाठी खास ब्लाऊज, मागच्या गळ्याचे आणि बाह्यांचे पर्सनलाइज पॅटर्न

नवरीच्या साड्या हा लग्न समारंभातला एक चर्चेचा आणि आकर्षणाचा विषय असतो. ती कोणकोणत्या साड्या नेसणार याकडे अनेकांचे लक्ष असते. आता साड्यांना जास्त देखणं रूप येतं ते तिच्यावरच्या ब्लाऊजमुळे. म्हणूनच तर खास लग्नसराईनिमित्त नवरीसाठी कित्येक कस्टमाईज किंवा personalised ब्लाऊजचे पॅटर्न्स आलेले आहेत.

अशा पद्धतीची डोली मागच्या गळ्यावर करून घेण्याची सध्या खूप फॅशन आहे.

त्याचप्रमाणे नवरा- नवरीचे नाव या पद्धतीनेही तुम्ही मागच्या गळ्यावर लिहून घेऊ शकता.

नवरीसाठी असणाऱ्या कस्टमाईज ब्लाऊजचे हे आणखी काही देखणे प्रकार पाहा..

नवरीचं सगळंच इतरांपेक्षा वेगळं आणि खास असायला हवं. म्हणूनच अशा पद्धतीचं एक तरी ब्लाऊज होणाऱ्या नवरीकडे हवंच..

खूप काही लिहायला आवडत नसेल तर अशा पद्धतीचं दुल्हनिया किंवा नवरी लिहून तुम्ही तुमचं वेगळेपण जपू शकता.

जर ब्लाऊजच्या मागच्या गळ्यावर काही लिहायला आवडत नसेल तर नवरा- नवरीच्या नावाचे लटकन बनवून ते ही मागच्या बाजुने लावता येईल.

बाह्यांवरही अशा पद्धतीने काम केलं जातं आणि नवरीच्या ब्लाऊजला इतर सगळ्या ब्लाऊजपेक्षा वेगळं तयार केलं जातं.

हौशी नवऱ्या मुली सध्या असे ब्लाऊज तयार करून घेत असून त्याच्या किमती साधारणपणे ५०० पासून सुरू होतात. तुम्ही सांगितलेल्या डिझाईननुसार ब्लाऊजची किंमत बदलत जाते.