बॉलिवूड अभिनेत्रींप्रमाणे निवडा पेस्टल कलर साडी, १० पेस्टल कलर्स-उन्हाळ्यात इतके सुंदर की नजर हटू नये..

Bollywood actress pastel saree style : pastel saree style for summer : Bollywood actress pastel saree looks for summer : उन्हाळ्यात साडी नेसून हटके फॅशन करायची असेल, तर बॉलिवूड अभिनेत्रींनी नेसलेल्या पेस्टल शेड साड्यांचे पाहा हटके लूक...

Bollywood actress pastel saree looks for summer

सध्या उन्हाळ्याच्या झळा लागण्यास सुरुवात झाली आहे. कडाक्याच्या उन्हात फॅशन आणि कम्फर्ट यांचा मेळ घालणे थोडे कठीण जाते. या ऋतूत आपण सहसा गडद रंगाचे आणि हेव्ही कपडे टाळतो. अशावेळी जर एखाद्या लग्नाला किंवा खास कार्यक्रमाला जायचे असेल, तर 'काय नेसायचं?' हा प्रश्न पडतो... (pastel saree style for summer)

उन्हाळ्यात केवळ फॅब्रिकच नाही तर रंगांची निवडही तितकीच ( Bollywood actress pastel saree looks for summer) महत्त्वाची असते. म्हणूनच बॉलिवूडच्या आघाडीच्या अभिनेत्रींनी सध्या पेस्टल शेड्सच्या (Pastel Shades) साड्यांना पसंती दिली आहे. बेबी पिंक, मिंट ग्रीन, लैव्हेंडर आणि पावडर ब्लू यांसारखे फिकट रंग डोळ्यांना थंडावा देतात आणि दिसायला अत्यंत रॉयल वाटतात.

उन्हाळ्याच्या दिवसांत स्टायलिश दिसायचं असलं तरी हेव्ही फॅब्रिक किंवा गडद रंगांमुळे अनेकदा अस्वस्थ वाटू शकतं. त्यामुळेच या सिझनमध्ये हलके, सौम्य आणि डोळ्यांना शांत वाटणारे पेस्टल शेड्स खूप ट्रेंडमध्ये असतात. बॉलिवूड अभिनेत्रीही उन्हाळ्यातील इव्हेंट्स, प्रमोशन्स किंवा कॅज्युअल लूकसाठी पेस्टल रंगांच्या साड्यांना प्राधान्य देताना दिसतात. या साड्या फक्त एलिगंटच नाहीत तर त्या नेसल्यावरही कूल आणि कम्फर्टेबल लूकही मिळतो. जर तुम्हालाही उन्हाळ्यात साडी नेसून हटके फॅशन करायची असेल, तर बॉलिवूड अभिनेत्रींनी नेसलेल्या पेस्टल शेड साड्यांचे लूक पाहून तुम्ही देखील सेम टू सेम लूक सहज क्रिएट करू शकता.

१. दीपिका पदुकोण (आयव्हरी फ्लोरल साडी) :-

दीपिकाने आयव्हरी रंगाची हलकी फ्लोरल साडी नेसून खूपच सॉफ्ट आणि एलिगंट लूक कॅरी केला होता. हलक्या हिरव्या फुलांच्या डिझाइनमुळे ही साडी उन्हाळ्यासाठी परफेक्ट वाटते. या लूकसाठी हलके दागिने आणि मिनिमल मेकअप ठेवा.

२. आलिया भट्ट (ओम्ब्रे पेस्टल साडी) :-

आलिया भट्टने नेसलेली ही हलक्या निळ्या आणि गुलाबी रंगाची ओम्ब्रे साडी उन्हाळ्यासाठी एक परफेक्ट आऊटफिट् आहे. साडीचे सर्वात मोठे वैशिष्ट्य म्हणजे त्यातील रंगांचे एकमेकांत मिसळत जाणारे स्वरूप, जे दिसायला अतिशय नैसर्गिक आणि डोळ्यांना थंडावा देणारे वाटते. उन्हाळ्याच्या लग्नसमारंभासाठी किंवा एखाद्या डे-इव्हेंटसाठी आलियाचा हा 'सिंपल पण सोबर' लूक तुम्ही सहज रिक्रिएट करू शकता.

३. अनन्या पांडे (बेबी ब्लू लेस साडी लूक) :-

अनन्या पांडेने नेसलेली ही बेबी ब्लू रंगाची साडी उन्हाळ्यातील फॅशनसाठी एकदम बेस्ट आहे. तिचा हा लूक अतिशय मोहक आणि मॉडर्न वाटतो.

४. जान्हवी कपूर (डस्टी रोज पेस्टल साडी) :-

जान्हवी कपूरने डस्टी रोज पेस्टल साडीमध्ये खूपच ग्लॅमरस पण हलका समर लूक कॅरी केला होता. यासोबत वेव्ही हेअर आणि ड्यूई मेकअप परफेक्ट दिसतो. जान्हवी कपूरने नेसलेली ही डस्टी रोझ (Dusty Rose) रंगाची साडी उन्हाळ्याच्या सण-समारंभासाठी एक ग्लॅमरस पर्याय आहे.

५. रिया चक्रवर्ती (लॅव्हेंडर रफल्स साडी लूक) :-

रिया चक्रवर्तीने नेसलेली ही लॅव्हेंडर रंगाची साडी उन्हाळ्याच्या संध्याकाळच्या कार्यक्रमांसाठी एक अतिशय 'एनर्जेटिक' आणि स्टायलिश पर्याय आहे. तिचा हा लूक फॅशनेबल असण्यासोबतच खूप कूलही दिसतो. रियाने लॅव्हेंडर रंगाची साडी निवडली होती, ज्यामध्ये असलेल्या 'रफल्स'मुळे साडीला अधिक आकर्षक लूक मिळाला आहे. जर तुम्हाला साध्या साडीला थोडा 'ट्विस्ट' द्यायचा असेल, तर रियासारखी रफल्स असलेली पेस्टल साडी निवडा. ही साडी पार्टी किंवा कॉकटेल इव्हेंटसाठी उत्तम आहे.

६. श्रद्धा कपूर (मिंट ग्रीन सिंपल साडी लूक) :-

श्रद्धा कपूर तिच्या साधेपणासाठी ओळखली जाते आणि तिने नेसलेली ही मिंट ग्रीन रंगाची साडी उन्हाळ्यासाठी अगदी योग्य आहे. हा लूक पाहिल्यावरच डोळ्यांना एक प्रकारचा थंडावा मिळतो. ही साडी दिसायला अतिशय हलकी आणि साधी आहे. जर तुम्हाला जास्त डिझाइन किंवा वर्क आवडत नसेल, तर श्रद्धासारखी 'प्लेन पेस्टल साडी' आणि त्यावर एखादा कॉन्ट्रास्ट किंवा एम्ब्रॉयडरी असलेला ब्लाऊज मॅच करुन तुमचा लूक अधिक परफेक्ट करु शकता.

७. प्रियांका चोप्रा (डस्टी मव (Dusty Mauve) लेस साडी लूक) :-

जागतिक स्तरावर आपली ओळख निर्माण करणाऱ्या प्रियांका चोप्राने नेसलेली ही डस्टी मव रंगाची लेस साडी अत्यंत रॉयल आणि मोहक आहे. तिचा हा लूक केवळ फॅशनेबल नाही तर तो एक जबरदस्त 'स्टाईल स्टेटमेंट' आहे. प्रियांकाने 'डस्टी मव' (Dusty Mauve) हा एक अतिशय युनिक आणि कूल पेस्टल रंग निवडला आहे. ही संपूर्ण साडी लेसवर्कची असून ती दिसायला अत्यंत नाजूक आणि महागडी वाटते. जर तुम्हाला एखाद्या हाय-प्रोफाईल इव्हेंटमध्ये किंवा रात्रीच्या पार्टीत 'क्लासी' दिसायचे असेल, तर डस्टी मव किंवा अशा प्रकारच्या लेस साड्या नक्कीच ट्राय करा. या साड्यांसोबत डायमंड किंवा मोत्यांचे दागिने खूप सुंदर दिसतात.

८. तारा सुतारिया (ब्लश पीच) :-

उन्हाळ्याच्या दुपारसाठी अतिशय सोबर आणि मोहक लूक. तारा सुतारियाने नेसलेली ही ब्लश पीच रंगाची साडी उन्हाळ्याच्या दुपारच्या कार्यक्रमांसाठी एक अतिशय 'सोबर' आणि डोळ्यांना सुखावणारा पर्याय आहे. तिचा हा लूक अत्यंत नाजूक आणि सुंदर दिसतो. जर तुम्हाला उन्हाळ्याच्या दिवसात होणाऱ्या घरगुती कार्यक्रमात किंवा ऑफिसच्या एखाद्या पार्टीत 'मिनिमलिस्टिक' (Minimalistic) पण सुंदर दिसायचे असेल, तर ताराचा हा ब्लश पीच लूक तुमच्यासाठी बेस्ट आहे.

९. कियारा अडवाणी (पावडर ब्लू साडी लूक) :-

उन्हाळ्यात जेव्हा आपल्याला रॉयल दिसणारी पण कम्फर्टेबल साडी नेसायची असते, तेव्हा कियाराची ही साडी एकदम बेस्ट आहे. 'पावडर ब्लू' हा रंग उन्हाळ्यातील कडाक्याच्या उन्हातही डोळ्यांना थंडावा देतो. हा रंग कोणत्याही स्किन टोनवर अतिशय सुंदर दिसतो. कियाराचा हा लूक घरगुती पूजा, सण किंवा उन्हाळ्यातील लग्नाकार्यासाठी एकदम परफेक्ट आहे. अशा पावडर ब्लू साडीसोबत तुम्ही चंदेरी (Silver) रंगाचे झुमके किंवा लहान टिकली लावून तुमचा लूक पूर्ण करू शकता. यावर 'स्लीव्हलेस' ब्लाउज अधिक मॉडर्न लूक देतो.

१०. कतरिना कैफ (डस्टी पिंक फ्लोरल साडी लूक) :-

कतरिना कैफचा हा साडी लूक म्हणजे उन्हाळ्यातील 'फ्लोरल फॅशन'चे एक उत्कृष्ट उदाहरण आहे. जर तुम्हाला उन्हाळ्याच्या एखाद्या लग्नसमारंभात उठून दिसायचे असेल, तर हा लूक तुमच्यासाठी बेस्ट आहे. 'डस्टी पिंक' हा रंग सध्या खूप चर्चेत आहे. हा रंग दिसायला अतिशय सौम्य आणि एलिगंट वाटतो, जो उन्हाळ्यात अधिकच उठावदार दिसतो. कतरिनाची ही साडी 'ट्यूल' किंवा 'शिफॉन' सारख्या ट्रान्सपरंट आणि हलक्या कापडाची आहे, ज्यामुळे ती नेसल्यावर शरीराला जड वाटत नाही आणि वावरणे सोपे जाते.