लेकीच्या लग्नात आईची हौस, नवरीच्या आईसाठी ट्रेंडिंग १० रंगाच्या साड्या! लग्नसोहळ्यात मिळेल रॉयल लूक...

10 trendy saree colored for the mother of the bride : saree colors for mother of the bride : best saree colors for bride’s mother : नवरीइतकीच उठून दिसावी नवरीची आई! नवरीच्या आईसाठी साडीचे ट्रेंडिंग रंग - कन्यादानाच्यावेळी नजरा खिळतील तुमच्यावरच...

मुलीच्या लग्नाची तयारी करताना जितकी धावपळ आणि महत्व (saree colors for mother of the bride) नवरीच्या कपड्यांना असते, तितकीच महत्त्वाची निवड असते ती म्हणजे 'नवरीच्या आईची साडी'. लग्नसोहळ्यात नवरीइतकीच लक्ष वेधून घेते ती नवरीची आई. कन्यादान, स्वागत समारंभ आणि इतर महत्त्वाच्या विधींमध्ये नवरीच्या आईची उपस्थिती अत्यंत खास असते. त्यामुळे साडीची निवड करताना केवळ सौंदर्यच नव्हे तर सोज्वळपणा आणि एलिगन्स यांचा विचार करणे गरजेचे असते.

मुलीचे लग्न हा तिच्या आईसाठी आयुष्यातील सर्वात भावूक आणि आनंदाचा (best saree colors for bride’s mother) क्षण असतो. या खास दिवशी नवरीच्या आईचे व्यक्तिमत्त्वही तितकेच सुंदर आणि प्रसन्न दिसणे गरजेचे असते. खूप गडद किंवा खूप फिके रंग टाळून, चेहरा खुलून दिसणारे आणि वयाला साजेसे रंग निवडले तर नवरीची आई अधिक ग्रेसफुल दिसू शकते.

आईच्या साडीचा रंग असा असावा जो केवळ तिचे सौंदर्यच खुलवणार नाही, तर तिला एक 'रॉयल' आणि 'मॅच्युअर' लूक देखील देईल. अनेकदा आई स्वतःच्या (10 trendy saree colored for the mother of the bride) आवडीपेक्षा परंपरेला महत्त्व देते, पण आजकाल ट्रेंडी आणि क्लासिक रंगांची निवड करुन आपण लेकीच्या लग्नात अधिक उठावदार दिसू शकता. आपण साडीचे असे काही खास रंग पाहूयात जे, नवरीच्या आईसाठी या लग्नसराईत 'बेस्ट' ठरतील.

१. डस्टी रोझ (Dusty Rose) :-

डस्टी रोझ (Dusty Rose) हा सध्याच्या काळातला सर्वात जास्त ट्रेंडिंग आणि 'क्लासिक' रंग आहे. हा रंग म्हणजे गुलाबी रंगाची एक थोडी गडद आणि राखाडी (Greyish) छटा आहे, जी अतिशय सोबर आणि रॉयल दिसते. ज्या मातांना खूप भडक किंवा उठावदार रंग आवडत नाहीत, त्यांच्यासाठी डस्टी रोझ हा एक उत्तम पर्याय आहे. या रंगाची साडी नेसल्यावर एक प्रकारचे शांत सौंदर्य दिसून येते. डस्टी रोझ रंगाचे वैशिष्ट्य म्हणजे हा गोऱ्या किंवा सावळ्या अशा दोन्ही प्रकारच्या त्वचेवर अतिशय सुंदर दिसतो. डस्टी रोझ रंगाची टिशू सिल्क साडी सध्या खूप फॅशनमध्ये आहे. जर लग्न उन्हाळ्यात किंवा दिवसा असेल, तर या कापडातील डस्टी रोझ साडी अतिशय हलकी आणि सुटसुटीत असते. रिसेप्शनसाठी या रंगाची हेव्ही टिकली काम किंवा एम्ब्रॉयडरी असलेली साडी निवडल्यास आई खूप तरुण दिसते.

२. शॅम्पेन गोल्डन (Champagne Golden) :-

शॅम्पेन गोल्डन (Champagne Golden) हा रंग म्हणजे पिवळसर सोनेरी आणि क्रीम रंगाचे एक अतिशय सुंदर मिश्रण आहे. नवरीच्या आईसाठी हा रंग म्हणजे 'क्लास' आणि 'रॉयल' दिसेल. हा रंग दिसायला अतिशय शांत पण तितकाच महागडा वाटतो. गोल्डन बेस असलेली कांजीवरम साडी आणि त्यावर कॉन्ट्रास्ट रंगाचा ब्लाऊज (उदा. मरून किंवा हिरवा) आईला खूप सुंदर लूक देतो. गोल्डन रंगाची टिशू साडी सध्याची सर्वात मोठी फॅशन आहे. ती वजनाला हलकी आणि दिसायला अतिशय रिच असते. जर पारंपरिक लूक हवा असेल, तर या रंगाचा बनारसी शालू उत्तम पर्याय आहे.

३. रॉयल पर्पल (Royal Purple) :-

नवरीच्या आईसाठी हा रंग एक अतिशय 'बोल्ड' आणि सुंदर, हटके निवड ठरते. विशेषतः लग्नाच्या मुख्य विधीसाठी किंवा रिसेप्शनसाठी या रंगाची साडी नेसल्यास आईचे व्यक्तिमत्त्व गर्दीतही उठून दिसते. पर्पल रंगाची पैठणी आणि त्यावर पोपटाचा मोरपंखी काठ हा एक सदाबहार पर्याय आहे. या रंगातील कांजीवरम साड्या खूपच 'रिच' दिसतात. या रंगावर सोन्याचे दागिने सर्वात जास्त उठून दिसतात. जर साडीवर सिल्व्हर काम असेल, तर तुम्ही ऑक्सिडाइज्ड किंवा हिऱ्यांचे दागिने निवडू शकता. हा रंग रात्रीच्या कार्यक्रमांसाठी (उदा. संगीत किंवा रिसेप्शन) सर्वोत्तम आहे. मात्र, जर साडी सिल्कची असेल, तर लग्नाच्या मुख्य मुहूर्तावरही हा रंग आईला खूप ग्रेसफुल लूक देतो.

४. मिडनाईट ब्ल्यू (Midnight Blue) :-

नवरीच्या आईसाठी हा रंग निवडणे म्हणजे एका अत्यंत 'सोफिस्टिकेटेड' आणि 'हाय-क्लास' स्टाईलची निवड करणे होय. अनेकदा लग्नात काळा रंग टाळला जातो, अशा वेळी 'मिडनाईट ब्ल्यू' हा सर्वोत्तम पर्याय ठरतो. हा रंग काळ्या रंगासारखाच गडद आणि स्लिमिंग इफेक्ट देणारा आहे, पण तो दिसायला अधिक रॉयल वाटतो. मिडनाईट ब्ल्यू रंगाची चमक सिल्क कापडावर अतिशय सुंदर दिसते. जर लग्न हिवाळ्यात असेल, तर या रंगाचा वेलवेट ब्लाऊज किंवा साडी आईला एक राणीसारखा लूक देऊ शकते. या रंगावर सिल्व्हर, व्हाईट गोल्ड किंवा हिऱ्याचे दागिने अतिशय 'श्रीमंत' दिसतात. गडद निळ्या रंगावर पांढऱ्या शुभ्र मोत्यांचे दागिने एक वेगळीच नजाकत आणि शालीनता आणतात. मिडनाईट ब्ल्यू साडी नेसल्यावर नवरीच्या आईने थोडा 'बोल्ड' मेकअप केला तरी चालतो. डार्क आयलायनर आणि न्यूड लिपस्टिक या रंगासोबत उत्तम दिसते.

५. एमरल्ड ग्रीन (Emerald Green) :-

हिरवा रंग शुभ मानला जातो. गडद हिरव्या रंगाची कांजीवरम किंवा पैठणी साडी नवरीच्या आईला एक राजेशाही लूक देते. यावर सोन्याचे दागिने अत्यंत सुंदर दिसतात. एमरल्ड ग्रीन हा या रंगाचा एक असा 'शेड' आहे जो केवळ पारंपरिकच नाही, तर अत्यंत लॅविश (Lavish) वाटतो. एमरल्ड ग्रीन रंगाची पैठणी आणि त्यावर लाल किंवा गुलाबी रंगाचा काठ नवरीच्या आईसाठी एक 'परफेक्ट' पारंपारिक लूक तयार करतो. या रंगाच्या बनारसी साडीवर जेव्हा सोन्याच्या तारांचे बुट्टे असतात, तेव्हा आईचं सौंदर्य अधिकच खुलून दिसतं. जर संगीत किंवा हळदीसाठी थोडा हलका लूक हवा असेल, तर या कापडातील एमरल्ड ग्रीन साडी खूप 'स्टायलिश' दिसते. हा रंग सर्व प्रकारच्या स्किन टोनवर अतिशय छान दिसतो. तसेच, हा रंग डोळ्यांना सुखावणारा असल्याने फोटोंमध्येही आईचा चेहरा खूप प्रसन्न आणि उजळ दिसतो.

६. आयव्हरी (Ivory) :-

पांढऱ्या रंगाला थोडासा क्रिमी किंवा पिवळसर टच दिला की तो 'आयव्हरी' रंग तयार होतो. नवरीच्या आईसाठी हा रंग म्हणजे 'सिंप्लीसिटी विथ रॉयल्टी'. ज्यांना खूप भडक रंग आवडत नाहीत, त्यांच्यासाठी आयव्हरी हा सर्वात उत्तम पर्याय आहे. हा रंग दिसायला अतिशय शांत असतो, पण तो नेसल्यावर एक वेगळाच 'रुबाब' आणि 'प्रतिष्ठा' दिसून येते. आयव्हरी रंगाची लखनवी साडी आणि त्यावर पांढऱ्या धाग्यांचे किंवा मण्यांचे काम नवरीच्या आईला एका 'राजघराण्यातील स्त्री'सारखा लूक देते. आयव्हरी रंगाच्या ऑर्गेन्झा साडीवर जर फुलांचे (Floral) प्रिंट असेल, तर तो लूक खूपच मॉडर्न आणि फ्रेश दिसतो. आयव्हरी साडी आणि त्याला असलेली मोठी गोल्डन बॉर्डर ही एक 'एव्हरग्रीन' फॅशन आहे. लग्नाच्या गडबडीतही शांत, प्रसन्न आणि 'एलिगंट' दिसायचे असेल तर, विशेषतः सकाळच्या लग्नासाठी किंवा उन्हाळ्यातील कार्यक्रमांसाठी हा रंग अत्यंत सुखद वाटतो.

७. ब्राईट पिंक (Bright Pink) :-

नवरीच्या आईसाठी हा रंग एक असा 'एव्हरग्रीन' पर्याय आहे, जो कधीही आऊट ऑफ फॅशन जात नाही. ब्राईट पिंक रंगाची पैठणी आणि त्याला असलेला नारिंगी किंवा हिरवा काठ हा महाराष्ट्रातील लग्नांसाठी सर्वात पसंतीचा लूक आहे. या रंगाच्या बनारसी साडीवर जेव्हा सोन्याच्या तारांनी विणलेली 'बुटी' असते, तेव्हा तो लूक खूपच हेव्ही आणि राजेशाही वाटतो. मातांना लग्नाच्या धामधुमीत 'तरुण' आणि 'उत्साही' दिसायचे आहे, त्यांच्यासाठी हा रंग सर्वोत्तम आहे. हा रंग सावळ्या किंवा गोऱ्या, दोन्ही स्किन टोनवर तितकाच उठावदार दिसतो.

८. मॉव्ह (Mauve) :-

हा रंग म्हणजे गुलाबी आणि जांभळ्या रंगाचे एक अत्यंत सुंदर आणि सौम्य मिश्रण आहे. नवरीच्या आईसाठी हा रंग म्हणजे 'मॉडर्न एलिगन्स' मानला जातो. ज्या मातांना गडद रंग आवडत नाहीत आणि ज्यांना काहीतरी वेगळं आणि क्लासिक ट्राय करायचं आहे, त्यांच्यासाठी हा रंग 'परफेक्ट' आहे. नेहमीचे लाल, हिरवे किंवा पिवळे रंग सोडून काहीतरी नवीन शोधत असाल, तर 'मॉव्ह' हा रंग सध्या फारच ट्रेंडिंग आहे. हा रंग दिसायला अतिशय 'रिच' असून तो आईला एक अतिशय मॅच्युअर आणि ग्रेसफुल लूक देतो. मॉव्ह रंगाची टिशू साडी प्रकाशात अतिशय सुंदर चमकते, ज्यामुळे आईचे सौंदर्य अधिकच खुलते. जर तुम्हाला साधी पण चमकणारी साडी हवी असेल, तर सॅटिन सिल्क मध्ये हा रंग खूपच प्रीमियम दिसतो. रिसेप्शनसाठी जर जड एम्ब्रॉयडरी असेल, तर मॉव्ह रंग आईला खूप तरुण दिसण्यास मदत करतो.

९. सेज ग्रीन (Sage Green) :-

हिरव्या रंगाची ही एक 'पेस्टल' आणि थोडी राखाडी (Greyish) छटा आहे, जी सध्या लग्नसराईत कमालीची लोकप्रिय ठरत आहे. जर तुम्हाला गडद हिरवा रंग नको असेल, तर 'सेज ग्रीन' हा एक अतिशय सुखद पर्याय आहे. हा रंग डोळ्यांना शांत वाटतो आणि नेसल्यावर आईला एक अतिशय 'सोफिस्टिकेटेड' आणि सुसंस्कृत लूक देतो. सेज ग्रीन सिल्क साडीवर जेव्हा सिल्व्हर जर असते, तेव्हा तो लूक अत्यंत श्रीमंत दिसतो. डे-वेडिंग असेल तर या कापडातील सेज ग्रीन साडी आईला खूप फ्रेश आणि स्टायलिश लूक देते. हळदीच्या किंवा मेहंदीच्या कार्यक्रमासाठी या रंगाची साडी एक 'फ्लोरल' आणि नैसर्गिक टच देते. ज्यांना लग्नाच्या धामधुमीतही 'सिंपल' पण 'पॉवरफुल' दिसायचे आहे, त्यांच्यासाठी हा रंग बेस्ट आहे. विशेषतः आउटडोअर लग्नांसाठी हा रंग फोटोंमध्ये अप्रतिम दिसतो.

१०. वाईन किंवा मरून (Wine/Maroon) :-

जर तुम्हाला थोडा गडद पण क्लासिक रंग हवा असेल, तर वाईन किंवा मरून रंग उत्तम आहे. हे रंग फोटोंमध्ये खूप छान येतात आणि आईच्या चेहऱ्यावर एक वेगळीच चमक आणतात. हा रंग कधीही आऊट ऑफ फॅशन जात नाही आणि प्रत्येक वयोगटातील स्त्रीवर तितकाच रुबाबदार दिसतो. जर तुम्हाला लग्नाच्या मुख्य विधीमध्ये किंवा कन्यादानाच्या वेळी पारंपारिक लूक हवा असेल, तर मरून किंवा वाईन रंगाची निवड करा. हे रंग 'मॅच्युरिटी' आणि 'ग्रेसफुलनेस' दाखवतात, जे नवरीच्या आईच्या व्यक्तिमत्त्वासाठी परफेक्ट आहेत.