आशा भोसले यांना नेमकं काय झालं, आता प्रकृती कशी आहे? नात जनाई भोसलेने दिली माहिती

Asha Bhosle Health Update: ज्येष्ठ पार्श्वगायिका आशा भोसले यांची प्रकृती शनिवारी बिघडली. त्यांच्यावर मुंबईतील ब्रीच कँडी रुग्णालयामध्ये उपचार सुरू आहेत. 

प्रसिद्ध आणि ज्येष्ठ गायिका आशा भोसले यांना मुंबईतील ब्रीच कँडी रुग्णालयामध्ये दाखल करण्यात आले आहे. त्यांच्यावर सध्या उपचार सुरू असून, आशा भोसले यांची नात जनाई भोसले हिने प्रकृतीबद्दल माहिती दिली आहे. आशा भोसले यांना दुपारपासूनच अस्वस्थ वाटत होते. त्रास वाढल्याने त्यांना रुग्णालयात दाखल करण्यात आले. 

जनाई भोसले हिने एक्सवर पोस्ट करत माहिती दिली की, "माझी आजी, आशा भोसले यांना प्रचंड थकवा आणि छातीत संसर्ग झाल्यामुळे रुग्णालयात दाखल करण्यात आले आहे. आम्ही विनंती करतो की, कृपया आमच्या खाजगीपणाचा आदर करावा. सध्या त्यांच्यावर उपचार सुरू आहेत आणि लवकरच सर्व काही ठीक होईल अशी आम्हाला आशा आहे. त्यांच्या प्रकृतीबद्दल आम्ही तुम्हाला सकारात्मक माहिती देत राहू."

My grandmother, Asha Bhosle due to extreme exhaustion and suffering a chest infection has been admitted to hospital and we request you to value our privacy. Treatment is ongoing and hopefully everything will be well and we shall update you positively.

— Zanai Bhosle (@ZanaiBhosle) April 11, 2026

९२ वर्षीय आशा भोसले यांना त्रास जाणवू लागला होत्या. त्यांना कार्डियाक अरेस्ट आल्याचेही सूत्रांनी म्हटले होते. मात्र, आता त्यांच्या कुटुंबीयांकडून आजाराची माहिती देण्यात आली आहे. 

ब्रीच कँडी रुग्णालयात अत्यावश्यक वैद्यकीय सेवा विभागात आशा भोसले यांच्यावर उपचार सुरू आहेत. ब्रीच कँडी रुग्णालयाचे डॉ. प्रतीत समदानी यांनीही याला दुजोरा दिला आहे. दरम्यान, आशा भोसले याच्या प्रकृतीबद्दल चौकशी करण्यासाठी कॅबिनेट मंत्री आशिष शेलार ब्रीच कँडी रुग्णालयात पोहोचले आहेत. 

Mumbai, Maharashtra: Playback singer Asha Bhosle has been admitted to Breach Candy Hospital in Mumbai.

(Visuals from outside her residence 'Prabhu Kunj' in Malabar Hill) pic.twitter.com/S87kFECo44

— IANS (@ians_india) April 11, 2026

आशा भोसले यांना रुग्णालयात दाखल करण्यात आल्याची माहिती मिळाली, तेव्हा त्यांची बहीण उषा मंगेशकर या पुण्यात होत्या. त्या तातडीने मुंबईकडे रवाना झाल्या.