मुंबईकरांनो काळजी घ्या! हवामान विभागाकडून हाई टाइडचा इशारा; उद्या येलो अलर्ट जारी

आज सकाळपासून मुंबईत पुन्हा मुसळधार पावसाला सुरुवात झाली. दरम्यान, आता पुन्हा एकदा मुंबईसाठी हवामान विभागाने अलर्ट दिला आहे. आज सोमवारी रात्री ११ वाजता समुद्रात ४.१ मीटर उंचीची भरती येईल, या काळात अंदाजे १३ फूट उंच लाटा उसळण्याची शक्यता आहे. 

दरम्यान, मुसळधार पावसाचा अंदाजही दिला आहे. १२. १४ वाजता समुद्रात ४.९२ मीटर उंचीची पहिली भरती येईल. यावेळी समुद्रात १५ फूट उंच लाटा उसळतील. तर मंगळवारी रात्री ११:५४ वाजता ४.०८ मीटर उंचीची भरती येईल. हवामान खात्याने उद्याही मुंबईसाठी येलो अलर्ट जारी केला आहे. रायगड आणि कोकणसाठी ऑरेंज अलर्ट आहे. राज्यात उद्याचा दिवसही पाऊस असण्याची शक्यता आहे. 

"सुनांचा छळ करणाऱ्या कुटुंबीयांवर बहिष्कार..”, मराठा समाजाचा ऐतिहासिक निर्णय

मुंबईत आज दिवसभर मुसळधार पाऊस झाला. दरम्यान, आता हवामान विभागाने उद्या २७ मे रोजीही मुसळधार पावसाचा अंदाज दिला आहे.  

पाणी साचल्यामुळे बेस्ट बसचे मार्ग वळवले

मुंबईत ठिकठिकाणी पाणी साचल्यामुळे बेस्ट बसचे मार्ग वळवावे लागले आहेत. सायन, गांधी मार्केट, वडाळा, हिंदमाता या ठिकाणी पाणी साचल्यामुळे हे मार्ग वळवण्यात आल्याचे बेस्ट प्रशासनाने सांगितले आहे.

गांधी मार्केट येथे पाणी भरल्यामुळे दोन्ही दिशेतील बसगाड्या सकाळी पावणे दहा वाजल्यापासून भाऊ दाजी मार्गाने परावर्तित करण्यात आलेल्या आहेत.

सायन रोड नंबर २४ वर पाणी भरल्यामुळे मार्ग क्रमांक ३४१ व ३१२ या अप दिशेतील बसगाड्या सायन मेन रोड चा सिग्नल येथून डावी कडे वळण घेऊन यु टर्न घेतील व पूर्ववत मार्गस्थ होतील.

वडाळा उड्डाणपुलाखाली पाणी साचल्याने बस मार्ग क्रमांक ११७ व १७४ च्या बस गाड्या नऊ वाजल्यापासून वडाळा चर्च मार्गे परावर्तित करण्यात आल्या आहेत.