मुंबईतून एक मोठी बातमी समोर आली आहे. मुंबईच्या वाहतूक नियंत्रण कक्षाला उत्तर प्रदेशचे मुख्यमंत्री योगी आदित्यनाथ आणि पंतप्रधान नरेंद्र मोदी यांना जीवे मारण्याच्या धमकीचा कॉल आला. २६/११ च्या दहशतवादी हल्ल्यासाठी तयार राहण्याची धमकीही आरोपींनी दिली. यामुळे आता मुंबई पोलीस सतर्क झाले आहेत.
मुंबई पोलिसांनी सांगितले की, अज्ञातांविरुद्ध भादंवि कलम ५०९ (२) अन्वये गुन्हा दाखल करण्यात आला आहे. या प्रकरणाची चौकशी सुरू असल्याचे त्यांनी सांगितले.
गेल्या काही दिवसापूर्वीही मुंबई पोलिसांना धमकीचा फोन आला होता. या प्रकरणी एका आरोपीला पोलिसांनी ताब्यात घेऊन त्याविरोधात गुन्हा दाखल केला होता.