Mumbai Local: मुसळधार पाऊस आणि वादळी वाऱ्यामुळे मुंबई लोकल सेवा विस्कळीत, प्रवाशांची गैरसोय
By ऑनलाइन लोकमत | Updated: May 7, 2025 19:27 IST2025-05-07T19:25:56+5:302025-05-07T19:27:29+5:30
Mumbai Local Train Services: अवकाळी पावसामुळे मुंबई तसेच उपनगरातील जनजीवन विस्कळीत झाले.
Mumbai Local: मुसळधार पाऊस आणि वादळी वाऱ्यामुळे मुंबई लोकल सेवा विस्कळीत, प्रवाशांची गैरसोय
मुसळधार पाऊस आणि वादळी वाऱ्यामुळे मुंबईकरांची लाइफलाइन समजल्या जाणारी लोकल सेवा विस्कळीत झाली. चर्चगेट आणि मरीन लाईन्स स्थानकांदरम्यान अप आणि डाउन धीम्या मार्गावरील सेवांवर परिणाम झाला. प्रवाशांच्या होणाऱ्या गैरसोयीबद्दल प्रशासनाने दिलगिरी व्यक्त करत सहकार्य करण्याची विनंती केली.
Due to heavy rain and wind over the Mumbai Suburban Section, local trains are affected between Churchgate and Marine Lines stations.
— Western Railway (@WesternRly) May 7, 2025
An incident of a piece of cloth on OHE and also tree branch fallen at another location have been reported.
Up and Down slow line trains held up…
दुसरीकडे, मुंबई, ठाणे आणि पालघरमध्ये मुसळधार पावसाची शक्यता वर्तवण्यात आली. दरम्यान, पालघरच्या पश्चिम किनारपट्टीच्या भागात जोरदार वादळ आणि पावसाचा मोठा फटका बसला. मच्छिमारांवरही याचा परिणाम झाला आहे. डहाणू आणि पालघरमध्ये ४० ते ४५ बोटींचे नुकसान झाले. मिळालेल्या माहितीनुसार, या बोटी वादळाच्या तडाख्यात सापडल्या आणि त्यांचे मोठे नुकसान झाले.जिल्हा प्रशासनाकडून या नुकसानीचा पंचनामा केला जात आहे.
हवामान विभागाने पुढील ४ ते ५ दिवसांसाठी हवामानाचा अंदाज व्यक्त केला आहे. पुढील काही दिवस राज्यात तीव्र हवामानाचा इशारा देण्यात आला. राज्याच्या काही भागात मेघगर्जनेसह पाऊस आणि गारपीट होण्याची शक्यता आहे. मध्य महाराष्ट्र आणि मराठवाड्यातील काही भागात मेघगर्जनेसह पावसाचा इशारा देण्यात आला. तर, काही ठिकाणी गारपीट देखील होऊ शकते.