Shiv Jayanti 2026: शिवजयंतीनिमित्त मुंबईत काय सुरू आणि काय बंद? जाणून घ्या A टू Z माहिती

By ऑनलाइन लोकमत | Updated: February 18, 2026 13:37 IST2026-02-18T13:35:45+5:302026-02-18T13:37:48+5:30

Chhatrapati Shivaji Maharaj Jayanti 2026 Holiday: उद्या १९ फेब्रुवारी आराध्य दैवत छत्रपती शिवाजी महाराज यांची जयंती संपूर्ण महाराष्ट्रात मोठ्या उत्साहात साजरी होणार आहे. या निमित्ताने मुंबईतील सेवांमध्ये काही बदल होणार आहेत, जे प्रत्येक मुंबईकराने जाणून घेतले पाहिजेत.

Mumbai: Banks, Govt Offices to Remain Closed for Chhatrapati Shivaji Maharaj Jayanti | Shiv Jayanti 2026: शिवजयंतीनिमित्त मुंबईत काय सुरू आणि काय बंद? जाणून घ्या A टू Z माहिती — Shiv Jayanti 2026: शिवजयंतीनिमित्त मुंबईत काय सुरू आणि काय बंद? जाणून घ्या A टू Z माहिती

Shiv Jayanti 2026 Celebration: उद्या, १९ फेब्रुवारी रोजी संपूर्ण महाराष्ट्रासह मुंबईत छत्रपती शिवाजी महाराज जयंती मोठ्या उत्साहात साजरी केली जाणार आहे. या पार्श्वभूमीवर राज्य सरकारने सार्वजनिक सुट्टी जाहीर केली असून, मुंबईतील दैनंदिन व्यवहारांमध्ये काही बदल होणार आहेत. तुम्ही जर उद्या घराबाहेर पडणार असाल किंवा बँकेची कामे करणार असाल, तर खालील माहिती तुमच्यासाठी अत्यंत महत्त्वाची आहे.

मुंबईत काय सुरू आणि काय बंद?

बँका आणि सरकारी कार्यालये बंद राहणार

रिझर्व्ह बँकेच्या सुट्टीच्या कॅलेंडरनुसार, शिवजयंतीनिमित्त महाराष्ट्रातील सर्व बँकांचे कामकाज बंद राहणार आहे. तसेच, मुंबई महानगरपालिका, जिल्हाधिकारी कार्यालय आणि इतर सर्व राज्य सरकारी कार्यालयांना सुट्टी असेल. ग्राहकांनी आपली बँकिंग कामे आजच उरकून घ्यावीत किंवा ऑनलाइन बँकिंगचा वापर करावा.

शाळा आणि महाविद्यालये

मुंबईतील सर्व सरकारी शाळा आणि महाविद्यालयांना उद्या अधिकृत सुट्टी असेल. खासगी शैक्षणिक संस्थांच्या बाबतीत, सुट्टीचा निर्णय त्या-त्या संस्थांच्या व्यवस्थापनावर अवलंबून असेल. त्यामुळे पालकांनी शाळेकडून येणाऱ्या सूचनांकडे लक्ष द्यावे.

सार्वजनिक वाहतूक आणि अत्यावश्यक सेवा

मुंबईकरांसाठी आनंदाची बातमी म्हणजे सार्वजनिक वाहतुकीवर सुट्टीचा कोणताही परिणाम होणार नाही. मध्य, हार्बर आणि पश्चिम रेल्वेच्या लोकल फेऱ्या नियमित वेळापत्रकानुसार चालतील. मुंबईतील बस सेवा आणि टॅक्सी सेवा सामान्यपणे सुरू राहतील. मेट्रो सेवा देखील आपल्या निर्धारित वेळेनुसार सुरू राहणार आहे. नेहमीप्रमाणे सर्व अत्यावश्यक सेवा सुरू राहतील. रुग्णालये, दवाखाने आणि औषधालये उघडी राहतील. आपत्कालीन मदत सेवा आणि रुग्णवाहिका २४ तास उपलब्ध असतील.

खासगी कार्यालये आणि बाजारपेठा

मुंबईतील खासगी कंपन्या आणि कॉर्पोरेट कार्यालये आपापल्या धोरणानुसार सुट्टी जाहीर करू शकतात. काही कार्यालये सुरू राहण्याची शक्यता आहे, त्यामुळे कर्मचाऱ्यांनी त्यांच्या कार्यालयात खात्री करून घ्यावी. प्रमुख बाजारपेठा आणि दुकाने सुरू राहण्याची शक्यता असली तरी, मिरवणुकीच्या मार्गावरील काही दुकाने तात्पुरती बंद असू शकतात.

Web Title : शिव जयंती 2026: मुंबई में उत्सव, बंद और आवश्यक जानकारी

Web Summary : मुंबई 19 फरवरी को शिव जयंती सार्वजनिक अवकाश के साथ मनाता है। बैंक और सरकारी कार्यालय बंद हैं। सार्वजनिक परिवहन सामान्य रूप से चलता है। स्कूलों की स्थिति अलग-अलग है; संबंधित संस्थानों से जांच करें। आवश्यक सेवाएं खुली रहती हैं। निजी कार्यालयों में विवेकाधीन छुट्टियां हो सकती हैं। जुलूस मार्गों पर बाजार अस्थायी रूप से प्रभावित हो सकते हैं।

Web Title : Shiv Jayanti 2026: Mumbai Celebrations, Closures, and Essential Information

Web Summary : Mumbai celebrates Shiv Jayanti on February 19th with a public holiday. Banks and government offices are closed. Public transport operates normally. Schools' status varies; check with individual institutions. Essential services remain open. Private offices may have discretionary holidays. Market operations might be temporarily affected along procession routes.

टॅग्स :