मुंबई - दरवर्षी म्हाडाच्या घरांच्या लॉटरीची आतुरतेने वाट पाहणाऱ्या मुंबईकरांसाठी दिलासादायक बातमी आहे. मुंबई पालिकेच्या निवडणुकीची आचारसंहिता संपल्यानंतर म्हाडाच्या मुंबई मंडळाने सुमारे तीन हजार घरांची लॉटरी काढण्याची तयारी सुरू केली आहे. सूत्रांनी दिलेल्या माहितीनुसार, ही लॉटरी मार्चमध्ये जाहीर होण्याची शक्यता आहे. या कालावधीत म्हाडाच्या कोकण मंडळाच्या सुमारे ४ हजार घरांची लॉटरी काढली जाणार आहे.
नऊ लाख परवडणारी घरेगेल्या ७६ वर्षांत म्हाडाने राज्यात सर्वसामान्याना सुमारे नऊ लाख परवडणारी घरे दिली आहेत. बी.डी.डी. चाळ, मोतीलाल नगर पुनर्विकास प्रकल्प, जी.टी.बी. नगर येथील पंजाबी कॉलनी, पत्राचाळ, अभ्युदय नगर, पूनम नगर, अंधेरीतील सरदार वल्लभभाई पटेल नगर आदी प्रकल्प नियोजनाच्या टप्प्यात आहेत.
या घरांना चांगला प्रतिसाद१. मुंबई मंडळाच्या घरांना सर्वाधिक मागणी असते, तर कोकण मंडळाच्या घरांनाही चांगला प्रतिसाद मिळतो. मात्र कोकण मंडळाच्या काही प्रकल्पांच्या परिसरात अद्याप पायाभूत सुविधा पूर्णपणे विकसित झाल्या नाहीत. त्यामुळे येथील घरांबाबत लॉटरीनंतर नाराजी असते.
२. प्राधिकरणाने रस्ते, पाणी, वीज आदी पायाभूत सुविधांच्या विकासाला प्राधान्य दिले असून, घरांच्या किमतीही कमी करण्यात आल्या होत्या. त्यामुळे पुढील लॉटरीत कोकण मंडळाच्या घरांना चांगला प्रतिसाद मिळण्याची शक्यता आहे.
Web Summary : Mumbai MHADA will launch a lottery for 3,000 homes in March after the election code of conduct ends. The Konkan board will also offer 4,000 homes. MHADA has provided nine lakh affordable houses in 76 years, prioritizing infrastructure and lower prices for better response.
Web Summary : मुंबई म्हाडा चुनाव आचार संहिता समाप्त होने के बाद मार्च में 3,000 घरों के लिए लॉटरी शुरू करेगा। कोंकण बोर्ड भी 4,000 घर पेश करेगा। म्हाडा ने 76 वर्षों में नौ लाख किफायती घर प्रदान किए हैं, बेहतर प्रतिक्रिया के लिए बुनियादी ढांचे और कम कीमतों को प्राथमिकता दी है।