coronavirus: मुंबईत मास्क न वापरणाऱ्यांचे प्रमाण खूपच वाढले
By ऑनलाइन लोकमत | Published: July 11, 2020 03:05 AM2020-07-11T03:05:31+5:302020-07-11T03:06:03+5:30
गुरुवारी रात्रीपर्यंत करण्यात आलेल्या कारवाईत कोरोना रुग्णांसंदर्भात १०२, हॉटेल / आस्थापना संबंधित १६६, पानटपरी ७६, इतर दुकाने ९७५ तसेच अवैध वाहतूक प्रकरणी १,८५९ गुन्ह्यांची नोंद झाली आहे.
coronavirus: मुंबईत मास्क न वापरणाऱ्यांचे प्रमाण खूपच वाढले
मुंबई : कोरोनाच्या संकटातही सार्वजनिक ठिकाणच्या गर्दीबरोबरच मास्क न लावणाऱ्यांचे प्रमाण मुंबईत वाढत आहेत. गेल्या साडेतीन महिन्यांत मास्क न लावता वावरणा-यांविरुद्ध तब्बल ३ हजार ९०० गुन्हे नोंद करण्यात आले आहेत. यात उत्तर विभागाची आघाडी कायम आहे. मुंबईसह राज्यभरात नियमांचे उल्लंघन करणा-यांविरुद्ध पोलिसांकड़ून कारवाई सुरू आहे. आतापर्यंत मुंबईत नियमांचे उल्लंघन केल्याप्रकरणी १३ हजार ८६२ गुन्ह्यांची नोंद पोलीस दफ्तरी झाली आहे. गुरुवारी रात्रीपर्यंत करण्यात आलेल्या कारवाईत कोरोना रुग्णांसंदर्भात १०२, हॉटेल / आस्थापना संबंधित १६६, पानटपरी ७६, इतर दुकाने ९७५ तसेच अवैध वाहतूक प्रकरणी १,८५९ गुन्ह्यांची नोंद झाली आहे.
सार्वजनिक ठिकाणी गर्दीप्रकरणी ७ हजार ६९२ गुन्हे नोंद आहेत. यात उत्तर विभागातील २ हजार ८९५ गुन्ह्यांचा सामावेश आहे. यापाठोपाठ मास्क न वापरणा-यांविरुद्ध ३ हजार ९०० गुन्हे नोंद आहेत. यातही उत्तर विभागाची आघाडी कायम आहे. तर पश्चिम, मध्य आणि पूर्व प्रादेशिक विभागाअंतर्गत प्रत्येकी ५०० हून अधिक गुन्हे नोंद आहेत.
