CoronaVirus दिलासादायक! गेल्या दोन दिवसांत धारावीत एकही मृत्यू नाही; पण...

By ऑनलाइन लोकमत | Updated: May 2, 2020 20:14 IST2020-05-02T20:14:21+5:302020-05-02T20:14:55+5:30

CoronaVirus in Dharavi, Mumbai धारावीमध्ये एकूण १८ जणांचा कोरोनामुळे मृत्यू झाला आहे. यामध्ये काही डॉक्टरांचाही समावेश आहे. यामुळे मुंबई महापालिकेसह राज्य सरकारचीही भंबेरी उडाली होती.

CoronaVirus Marathi news no deaths in Dharavi in the last two days hrb | CoronaVirus दिलासादायक! गेल्या दोन दिवसांत धारावीत एकही मृत्यू नाही; पण... — CoronaVirus दिलासादायक! गेल्या दोन दिवसांत धारावीत एकही मृत्यू नाही; पण...

मुंबई : जगातील सर्वात मोठी झोपडपट्टी म्हणून ओळख असलेल्या धारावीमध्ये कोरोनाचा पहिला रुग्ण आढळल्याने प्रशासनाच्या पायाखालची वाळूच सरकली होती. अत्यंत दाटीवाटीने असलेली घरे, अस्वच्छता आदींचे मोठे आव्हान मुंबई महापालिकेसमोर होते. मात्र, आज एक दिलासादायक आकडेवारी हाती आली आहे.

धारावीमध्ये एकूण १८ जणांचा कोरोनामुळे मृत्यू झाला आहे. यामध्ये काही डॉक्टरांचाही समावेश आहे. यामुळे मुंबई महापालिकेसह राज्य सरकारचीही भंबेरी उडाली होती. आज ३८ नव्या रुग्णांची नोंद झाली असून धारावीमध्ये सापडलेल्या एकूण कोरोनाग्रस्तांची संख्या ४९६ झाली आहे. यापैकी १८ जणांचा मृत्यू झाला आहे. तर महत्वाचे म्हणजे गेल्या दोन दिवसांत धारावीतील एकाही रुग्णाचा मृत्यू झालेला नाही.

याबाबतची माहिती मुंबई महापालिकेने दिली आहे. तर मुंबईच्या आसपासच्या भागामध्ये आज कोरोना ग्रस्त रुग्णांची मोठी वाढ नोंदविण्यात आली आहे. ठाणे जिल्ह्यात आज ९७ जण नवे रुग्ण सापडले आहेत. तर नालासोपारा -विरार मधून 14 नवे कोरोना रुग्ण पॉझिटिव्ह आढळले आहेत.

No death reported in Dharavi in last 2 days due to #COVID19. 38 persons have tested positive today, taking the total number of cases in Dharavi to 496, death toll is at 18: Brihanmumbai Municipal Corporation#Mumbai
— ANI (@ANI) May 2, 2020