मुंबई - आधी पक्ष फोडले, आता घरेही फोडण्याचा प्रयत्न भाजप नेते करत आहेत. त्यांच्या हिंदुत्वाचा फुगा फुटल्याने ते आता भाषिक प्रांतवाद पेटवत आहेत. भाषेवरून कुणाला मारावे, ही आपली भूमिका नाही. भाषिक प्रांतवादाचे विष भाजप पसरवत आहे अशी टीका उद्धवसेनेचे पक्षप्रमुख उद्धव ठाकरे यांनी शनिवारी केली.
शिंदेसेनेच्या दहिसर व बोरिवली येथील पदाधिकाऱ्यांनी तर डोंबिवलीतील भाजप युवा मोर्चाचे उपाध्यक्ष योगेंद्र भोईर यांनी 'मातोश्री' येथे उद्धवसेनेत प्रवेश केला. त्यावेळी ते बोलत होते. भाजपा ढोंगी असल्याचे लक्षात येत असल्याने जे गेले ते परत येत आहेत. ही लढाई सोपी नाही. रोजच्या प्रवेशामुळे 'मातोश्री'चा परिसर गर्दीने गजबजतो. पण, ही गर्दी नाही, तर लढणाऱ्या शिवसैनिकांचे सैन्य आहे असे ते म्हणाले.
'तोडा, फोडा आणि राज्य करा' हा त्यांचा अजेंडा
'मागोठाणेमध्ये मराठी माझी आई आहे. आई मेली तरी चालेल,' असे बोलणाऱ्याचे काय करायचे? घाटकोपरमध्ये संघाचे जोशी माझी मातृभाषा गुजराती असल्याचे बोलतात. हे भाषिक प्रांतवादाचे विष भाजपच पसरवत आहे. 'तोडा, फोडा आणि राज्य करा,' हा त्यांचा अजेंडा आहे पण यातून भूमिपुत्रांनी एकत्र राहून राज्य सांभाळायचे आहे. कोणत्याही भाषिकाने कोणत्याही भाषेवर अत्याचार करू नये, पण, भाषिक प्रांतवाद भाजपनेच सुरू केला आणि खापर मात्र आमच्यावर फोडताहेत असा आरोपही त्यांनी केला.
Web Summary : Uddhav Thackeray accuses BJP of fueling linguistic tensions after failing on Hindutva. He alleges BJP's divisive tactics aim to rule, urging unity among locals. He highlighted alleged divisive statements by BJP leaders and welcomed new entrants to his party from Shinde camp and BJP, framing it as a fight for Maharashtra.
Web Summary : उद्धव ठाकरे ने बीजेपी पर हिंदुत्व में विफल रहने के बाद भाषाई तनाव भड़काने का आरोप लगाया। उन्होंने कहा कि बीजेपी की विभाजनकारी रणनीति का उद्देश्य शासन करना है, और स्थानीय लोगों से एकता का आग्रह किया। उन्होंने बीजेपी नेताओं द्वारा कथित तौर पर दिए गए विभाजनकारी बयानों पर प्रकाश डाला और शिंदे गुट और बीजेपी से अपनी पार्टी में नए लोगों का स्वागत किया, इसे महाराष्ट्र के लिए लड़ाई बताया।