कॉमेडी किंग कपिल शर्मा याचा आज (2 एप्रिल) वाढदिवस. काल रात्री १२ च्या ठोक्याला कपिलचा वाढदिवस दणक्यात साजरा झाला. पत्नी गिन्नी चतरथ, आई शिवाय मित्रांसोबत कपिलने वाढदिवसाचे सेलिब्रेशन केले. कपिलची अख्खी टीम, सिंगर मिका सिंग, नवराज हंस, ऋचा शर्मा असे सगळे यावेळी उपस्थित होते. कपिलच्या या बर्थ डे पार्टीचे अनेक व्हिडिओ सध्या सोशल मीडियावर व्हायरल होत आहेत.
कॉमेडी किंग कपिल शर्माने गत डिसेंबरमध्ये ‘द कपिल शर्मा शो’द्वारे छोट्या पडद्यावर पुनरागमन केले. तत्पूर्वी वर्षभरात कपिलच्या आयुष्यात प्रचंड उलथापालथ झाली. तो अनेक वादांत सापडला. डिप्रेशन, मद्याचे व्यसन आदींमध्ये गुरफटला. यामुळे त्याचा शो बंद पडला. आता कपिल शमार्चे करिअर संपले असेच यानंतर सगळ्यांना वाटले. पण कपिलला वेळीच जाग आली आणि तो या सगळ्या दुष्टचक्रातून बाहेर पडला.