साथ निभाना साथिया फेम अभिनेत्री रुचा हसबनीसवर दुःखाचा डोंगर कोसळला आहे. तिच्या वडीलांचे नुकतेच निधन झाले आहे. तिच्या वडीलांना कोरोना व्हायरस झाला होता. पण , त्यांनी कोरोनावर यशस्वी मातदेखील केली होती. मात्र इतर कारणांमुळे त्यांचे निधन झाले. ही माहिती खुद्द तिनेच सोशल मीडियावर दिली आहे. रुचाने याबद्दल पोस्ट करत सांगितले की, कसे तिच्या वडीलांनी कोरोनावर मात केली पण नशीबात काही वेगळेच होते.
रुचा हसबनीसच्या वडिलांनी 8 ऑगस्टला अखेरचा श्वास घेतला होता. तिने वडीलांच्या आठवणीत भावूक होत लिहिले की, डॅडी, मी ताऱ्यांच्या पलिकडे तुम्हाला पाहेन. तर तिने या पोस्टच्या कॅप्शनमध्ये लिहिले की, आता तुम्ही शांततेत झोपा डॅडी.
तिने साथ निभाना साथिया मालिकेत राशी मोदीची भूमिका साकारली होती.