देशभरात घराघरात तुलसी व पार्वतीसारख्या सूनांची कथा पोहचवणारी टेलिव्हिजन क्वीन एकता कपूरचा एडल्ट कॉन्टेंटकडे कल वळत असल्याचं पहायला मिळत आहे. ऑल्ट बालाजीच्या गंदी बातसारख्या सीरिजनंतर आता एकता आणखीन एक हटके विषय घेऊन खळबळ माजवणार आहे. एकताने नव्या वेबसीरिजची घोषणा केली आहे. या वेबसीरिजमध्ये दोन महिलांची प्रेमकथा पहायला मिळणार आहे जीची पार्श्वभूमी अयोध्या वादावर आहे.
एकता कपूरची ही मालिका अशा दोन महिलांवर आधारीत असेल जे भारताची संस्कृती व समाजाचा विचारांना न जुमानता समलैंगिक प्रेमाचा विजय करतात. या मालिकेची घोषणा खुद्द एकताने सोशल मीडिया अकाउंटवर पोस्ट करून सांगितली.
एक निर्मात्याच्या भूमिकेत या मर्यादांना आव्हानं दिलेली आहेत. हे एक स्वातंत्र्य आहे ज्याची मज्जा घेण्यासाठी आपण तरसत असतो. मला हे माहित आहे की स्वातंत्र्य जबाबदारीसोबत येते.