कलर्स मराठीवरील ‘रमा राघव’ ही लोकप्रिय मालिका उत्कंठावर्धक टप्प्यावर पोहोचली आहे. मालिकेच्या कथानकाला पूर्णपणे कलाटणी देणाऱ्या या भागाची विशेष चर्चा सध्या सोशल मिडियावर सुरू आहे. राघवच्या सहवासात पूर्णपणे बदलेल्या रमाला लवकरात लवकर पुरोहितांची सून व्हायचे आहे. तिला राघवचा त्याच्या घरच्यांचा विरह सहन होत नाही आहे, त्यामुळे राघवच्या वडिलांनी राघवला घातलेल्या बंधनातून मार्ग काढून, वेषांतर करून, पुरोहित घरात राहून, दिवाळीचा उत्साह संपूर्ण कुटुंबात कायम राहील याची काळजी घेतली.
अप्रत्यक्षपणे रमाची ही पहिली दिवाळी मोठ्या धुमधडाक्यात साजरी झाली मात्र हेच रमाचे वेषांतर तिच्या विरोधात जाईल का ? जन्मदात्या आईच्या सगळ्या कुटिल कारस्थानांना पुरून उरलेल्या आणि वडिलांचा ठाम पाठिंबा मिळालेल्या रमाच्या आयुष्यात हे वेषांतर काय वादळ आणणार आणि हे कथानक पुढे कसे जाणार या प्रश्नांची उत्तरे या महारविवारमध्ये मिळणार असून त्यामुळेच या भागाची प्रेक्षकांना विशेष उत्सुकता आहे.
'रमा राघव'चे लग्न लवकरात लवकर व्हावे ही तमाम प्रेक्षकांची इच्छा हा भाग पूर्ण करेल का? हे सर्व प्रश्नांची उत्तर आपल्याला लवकरच मिळणार आहेत. मालिकेचा निर्णायक महारविवार १९ नोव्हें, दु. १२ आणि संध्या. ६ वा प्रसारित होणार