स्टार प्रवाह (Star Pravah) वाहिनीवरील 'आई कुठे काय करते'(Aai Kuthe Kay Karte)ने कमी कालावधीत रसिकांच्या मनात घर केले आहे. सध्या मालिका उत्कंठावर्धक वळणावर आली आहे. एकीकडे आशुतोष अरुंधतीला लग्नासाठी मागणी घालतो. तर दुसरीकडे संजना प्रेग्नेंट असल्याची शक्यता दाखवण्यात आली आहे. त्यात आता मालिकेत आणखी एक ट्विस्ट दाखवण्यात आला आहे. दरम्यान आता अनघाच्या समोर अभिचं धक्कादायक सत्य समोर येणार आहे.
गेल्या काही दिवसांपासून आई कुठे काय करते मालिकेत अनघा आणि अभि यांच्यात बिनसलेले पाहायला मिळत आहे. अनघाने काहीही केले तरी अभि तिच्याशी वाद घालायला सुरू करतो. सतत तिला बोलतो, टोमणे मारत असतो. अरुंधतीकडे अनघाचं जाणं आणि तिच्याशी सारखं संपर्कात राहणे त्याला खटकत राहतं. त्यामुळे प्रेग्नेंट असलेली अनघा वैतागली आहे. त्यात संजना अभिचे बाहेर काही चक्कर नाही ना, अशी शंका बोलून दाखवते.दरम्यान मालिकेचा नवीन प्रोमो समोर आला आहे. ज्यात पाहायला मिळत आहे की, अभि घरी टिफिन विसरला म्हणून हाॅस्पिटलमध्ये घेऊन जाते. तिथे नर्स तिला सांगते, डाॅक्टर अभि हल्ली दररोज लवकर घरी जातात. ते ऐकून अनघाला धक्का बसतो. त्याआधीही अभि रात्री उशिरा घरी आल्यावर, तू कुठे होतास? असे तिने विचारल्यावर तो तिच्यावर खूप चिडतो. अनघा सगळ्यांना सांभाळून घेणारी दाखवलीय. आता ती अभिला जाब विचारणार की नाही, हे आगामी भागात कळेल. तसेच अभिचं खरंच बाहेर काही प्रकरण आहे का, हे पाहणे कमालीचे ठरणार आहे.