‘पवित्र रिश्ता’ आणि ‘दिव्य दृष्टि’यासारख्या लोकप्रिय टेलिव्हिजन कार्यक्रमांमधून प्रसिद्धी मिळवणारा अंकित नारंग आता एका वेगळ्या भूमिकेतून रसिकांच्या भेटीला येणार आहे. तो माचिस की डिबिया या लघुपटात अभिनेत्री एकता कौलसोबत मुख्य भूमिकेत दिसणार आहे.
अंकित नारंग आणि एकता कौल यांनी यापूर्वी लोकप्रिय मालिका ‘बडे अच्छे लगते है’मध्ये एकत्र काम केले आहे. या मालिकेमुळे त्या दोघांची खूप चांगली मैत्री झाली होती. त्यानंतर ते एकमेकांच्या मदतीसाठी नेहमी तत्पर असतात. अंकित आणि एकता खूप वर्षानंतर एकत्र काम करताना दिसणार आहेत. ते दोघेही पुन्हा एकदा एकत्र झळकण्यासाठी उत्साही आहेत.