बॉलिवूडची लेडी सुपरस्टार म्हणून प्रसिद्ध असलेल्या श्रीदेवी(Sridevi)चे लव्ह लाईफ चित्रपटाच्या कथेपेक्षा कमी नाही. २ जून १९९६ रोजी तिने त्याच बोनी कपूर यांच्याशी लग्न केले, ज्यांना तिने एकदा राखी बांधली होती आणि ज्यांचे आधीच लग्न झाले होते. याशिवाय श्रीदेवीचे नाव दोन फिल्मस्टार्ससोबत जोडले गेले होते. तुम्हाला हे जाणून आश्चर्य वाटेल की हे दोन्ही स्टार्स आधीच विवाहित होते.
श्रीदेवीच्या अफेअरची जेव्हा जेव्हा चर्चा होते तेव्हा मिथुनसोबत तिच्या नावाचा उल्लेख नक्कीच होतो. एकेकाळी मीडिया रिपोर्ट्समध्ये असा दावाही करण्यात आला होता की दोघांनी मंदिरात लग्न केले होते. मिथुन आणि श्रीदेवी एकमेकांच्या प्रेमात अडकल्याचं बोललं जातं. मिथुनला श्रीदेवीच्या सौंदर्याने भुरळ घातली होती, तर अभिनेत्याच्या सुंदर दिसण्याने श्रीदेवीला खूप आकर्षित केले. त्यांच्या नात्यातील सर्वात मोठी अडचण म्हणजे त्यावेळी मिथुनचे लग्न झाले होते.
योगिताने उचलले हे पाऊल मीडिया रिपोर्ट्सनुसार, लग्न झाल्यानंतरही मिथुनला श्रीदेवीसोबत सेटल व्हायचं होतं. दोघेही अनेक वर्षे एकमेकांना डेट करत होते, ज्याची माहिती योगिता बालीलाही होती. किशोर कुमारला घटस्फोट देऊन मिथुनसोबत सेटल झालेल्या योगिता बालीला हे नाते आवडले नाही, असे सांगितले जाते. तिने आत्महत्येचाही प्रयत्न केल्याचा दावा केला जात आहे.
श्रीदेवीचे नाव जितेंद्रसोबतही जोडले गेलेयोगिताने आत्महत्येचा प्रयत्न केल्याने मिथुन प्रचंड घाबरला होता. त्याने श्रीदेवीशी बोलणे बंद केले, ज्याचा परिणाम असा झाला की हे नाते अत्यंत वाईट टप्प्यावर पोहोचले आणि शेवटी तुटले. यानंतर श्रीदेवीचे नाव जितेंद्र यांच्यासोबत जोडले गेले. खरंतर, त्यावेळी दोघेही अनेक चित्रपटांमध्ये एकत्र दिसले होते, त्यामुळे त्यांच्या अफेअरच्या चर्चा ऐकायला मिळत होत्या. त्यावेळी जितेंद्र यांचेही लग्न झाले होते. अशा परिस्थितीत जितेंद्र स्वत: श्रीदेवीला घरी घेऊन गेले आणि शोभा यांचा गैरसमज दूर केला होता.
ज्यांना राखी बांधली त्यांच्याशी केलं लग्नश्रीदेवीच्या आयुष्यात बोनी कपूर यांची एन्ट्री एखाद्या फिल्मी कथेपेक्षा कमी नाही. बोनी यांचे आधीच लग्न झाले होते. त्यांची पत्नी मोना शौरी याही श्रीदेवीच्या चांगल्या मैत्रिणी होत्या आणि त्यांच्या घरी राहत होत्या. एक काळ असा होता की मिथुन यांना त्यांच्या प्रेमाची खात्री देण्यासाठी श्रीदेवीने बोनी कपूर यांना राखी बांधली होती. श्रीदेवीचे मिथुन यांच्यासोबतचे नाते तुटल्यावर ती बोनी कपूर यांच्या जवळ आली. यानंतर, तिच्या प्रेग्नेंसीच्या बातम्या समोर आल्या, ज्यावर बोनी कपूर यांनी मोनाला घटस्फोट दिला आणि २ जून १९९६ रोजी श्रीदेवीशी लग्न केले.