एस. एस. राजामौली आणि प्रभास यांच्या २००५ मध्ये रिलीज झालेल्या 'छत्रपती' या चित्रपटाच्या रिमेकची सध्या जोरदार चर्चा सुरू आहे. श्रीनिवास बेल्लमकोंडा या चित्रपटात टायटल रोल साकारताना दिसणार आहे. या चित्रपटात त्याची नायिका कोण बनणार याची उत्सुकता सर्वांनाच लागली होती. याचं उत्तर आता मिळालं आहे. श्रीनिवाससोबत नुसरत भरुचा मुख्य भूमिकेत दिसणार आहे.
छत्रपती या चित्रपटाच्या निमित्ताने श्रीनिवास हिंदीत एंट्री करणार आहे. एका नव्या कोऱ्या जोडीची केमिस्ट्री रसिकांना अनुभवायला मिळणार आहे. यात नुसरत यापूर्वी कधीही न पाहिलेल्या रूपात दिसणार असल्याचे समजते. नुसरत भरुचा म्हणाली की, हा माझा पहिला पॅन इंडिया अॅक्शन ड्रामा असल्याने खूप उत्साहित आहे. कुशल तंत्रज्ञांच्या टीमसोबत आणि को-स्टार श्रीनिवाससोबत काम करण्याची संधी मिळाल्यानं मी खूप रोमांचित आहे. व्ही. विजयेंद्र प्रसाद यांनी लिहिलेल्या या चित्रपटाचे दिग्दर्शक व्हि. व्हि. विनायक आहेत.