प्रसिद्ध संगीतकार वनराज भाटिया सध्या आयुष्यातील कठीण काळाशी लढाई करतायेत. 92 वर्षीय वनराज भाटियांची आर्थिक परिस्थिती ढासळली आहे. उदरनिर्वाह करण्यासाठी घरातील भांडी विकण्याची वेळ त्यांच्यावर आली आहे. त्यांना अभिनेता कबीर बेदीने मदतीचा हात दिला आहे.
कबीर बेदीच्या ट्वीटनंतर वनराज भाटिया यांना मदत करण्यासाठी अनेक मदतीचे हात पुढे आले आहेत. वनराज यांच्याकडे डॉक्टरकडे जाऊन उपचार घेण्यासाठी देखील पैसे नाहीत. प्रकृती ठीक नसल्याने बाहेरच्या जगाशी त्यांचा संबंध तुटला आहे. अमिताभ बच्चन यांच्या अजूबा सिनेमाला त्यांनी दिलेले संगीत खूप प्रसिद्ध झाले होते.
मुंबईतल्या घरात भाटिया इकटेच राहतात. छोट्या-मोठ्या कामांसाठी देखील त्यांना कोणाच्या तरी आधाराची गरज लागते. त्यांचा स्मृतीभ्रंश देखील झाला आहे. त्यांचे काही मित्र आणि फॅन्स त्यांना आर्थिक मदत करतायेत. वनराज भाटिया यांनी लग्न नाही केले. त्यांची बहीण आपल्या कुटुंबासह कनाडामध्ये राहते. त्यांचे काही नातेवाईक त्यांना मदत करतात. वनराज भाटिया राष्ट्रीय पुरस्कारांना, संगीत नाटक अकादमी पुरस्कार आणि पद्म श्री पुरस्कारने देखील सन्मानित करण्यात आले आहे.