कलाकारांची चाहत्यांमध्ये खूप क्रेझ असते आणि त्यांना त्यांच्या आवडत्या कलाकाराची प्रत्येक गोष्ट जाणून घेण्याची उत्सुकता असते. तसेच फॅन्सना कलाकारांच्या खासगी आयुष्यात काय चालले आहे, हे जाणून घेण्यासाठी इंटरेस्टेड असतात. अभिनेत्री सई ताम्हणकर (Sai Tamhankar)चा खूप फॅन फॉलोव्हिंग आहे आणि ती बऱ्याचदा खासगी आयुष्यामुळे चर्चेत येत असते. दरम्यान सई ताम्हणकरच्या इंस्टाग्रामवरील लेटेस्ट पोस्टने सर्वांचे लक्ष वेधून घेतले आहे. या पोस्टमधून तिने तिच्या बॉयफ्रेंडबद्दलचा खुलासा केला आहे.
सई ताम्हणकर हिने इंस्टाग्रामवर एक फोटो शेअर केला आहे. ज्यात ती गाडीच्या बोनेटवर बसलेली दिसते आहे. तिने हा फोटो शेअर करत लिहिले की, मुव्ही नाईट माझ्या कल्पनेतील बॉयफ्रेंडसोबत. ओह ८३ सिनेमा पाहताना तो रडला. सई ताम्हणकर ड्राइव्ह इन थिएटरमध्ये ८३ हा चित्रपट पाहण्यासाठी गेली होती. तिच्या पोस्टवरील कॅप्शनने सर्वांचे लक्ष वेधून घेतले आहे. तिच्या या पोस्टवर कमेंट्सचा वर्षाव होतो आहे.