मराठी चित्रपटसृष्टीतील प्रसिद्ध अभिनेत्री सायली संजीववर दुःखाचा डोंगर कोसळला आहे. सायलीच्या वडिलांचे नुकतेच निधन झाले असून याबाबतची माहिती तिने सोशल मीडियावर दिली आहे. तिच्या वडिलांचे नाव संजीव असून त्यांचे ३० नोव्हेंबर, २०२१ ला निधन झाले आहे.
सायली संजीवने इंस्टाग्रामवर वडिलांसोबतचे फोटो शेअर करत भावनिक पोस्ट लिहिली आहे. यात तिने म्हटले की, संजीव २६/०७/१९५८ - ३०/११/२०२१. तुला माहित आहे नं बाबा माझं तुझ्यावर सगळ्यात जास्त प्रेम होतं, आहे आणि कायम असेल.. या जगात सगळ्यात जास्त.. तू आयुष्य आहेस माझं.तिने पुढे लिहिले की, दैव होता तू, देव होता तू, खेळण्यातला माझा खेळ होता तू.. शहाणी होते मी, वेडा होता तू, माझ्या साठी कारे सारा खर्च केला तू..आज तू फेडुदे पांग हे मला, जगण्या रे मला अजूनही तूच हवा..बाबा, थांब ना रे तू बाबा, जाऊ नको दूर…. सायली संजीवच्या या पोस्टवर सेलिब्रेटींसोबत चाहते श्रद्धांजली वाहत आहेत आणि तिला काळजी घे, असे सांगत आहेत.