मराठी कलाकारांच्या 'मी महाराष्ट्र आहे' या गाण्याला मिळाला चांगला प्रतिसाद

मी महाराष्ट्र आहे या गाण्याला प्रेक्षकांची मिळतेय उत्तम दाद

कोरोना व्हायरसमुळे लॉकडाउन असले तरी मराठी कलाकारांनी महाराष्ट्र दिनानिमित्त मी महाराष्ट्र आहे हे गाणं काल रिलीज केले होते. या गाण्याला खूप चांगला प्रतिसाद मिळाला. 

 

मी महाराष्ट्र आहे या गाणे गाणाऱ्या या गायकांमध्ये मराठी भाषे व्यतिरिक्त इतर भाषिक गायक सुद्धा आहेत. एवढंच नाही तर या गाण्याला संगीत दिलंय श्रीधर नागराज या एका अमराठी तरुणाने, या गाण्याच्या विडीयो चं संकलन करणारा एडेल जेरम परेरा सुद्धा मराठी नसला तरी महाराष्ट्रीय आहे. महाराष्ट्रात राहणाऱ्या प्रत्येकाला नवं चैतन्य देण्याचा प्रयत्न हे दिग्गज गायक आणि कलाकार आपल्याला करताना दिसणार आहेत.

स्नेहल काळे यांच्या संकल्पनेला शब्दांत बांधलय मकरंद सखाराम सावंत याने, साउंड डिजाईनिंग केलंय हिमांशू शिर्लेकर, गाण्याच्या विडीयो चं दिग्दर्शन केलं आहे निशांत कंदलकर यांनी. नृत्यदिग्दर्शनाची धुरा सांभाळली आहे अजिंक्य शिंदे यांनी आणि पब्लिसिटी डिजाईन हाताळलं आहे पुष्कर गोडबोले यांनी. कधीही न झुकणारं महाराष्ट्राचं स्पिरिट आणि महाराष्ट्रात जन्माला आल्याचा सार्थ अभिमान या कलाकारांनी गाण्यातून मांडला आहे.

शंकर महादेवन, महालक्षी अय्यर, स्वप्निल बांदोडकर, आनंदी जोशी, ह्रि्षिकेश रानडे, जसराज जोशी, अभिजीत सावंत, उर्मिला धनगर, वैशाली सामंत, प्राजक्ता शुक्रे, श्रेयस जाधव, श्रीधर नागराज, अमयरा कपूर, अम्रिता तालुकदार, आनंदिता, गीत सागर, मीनल जैन, ओमकार देशपांडे, सिमर सिंघ, सौरभ जोशी, सुमेधा करमाहे व विशाल कोठारी या गायकांनी या गाण्याला स्वरसाज दिला आहे. तर या गाण्यात अरुण नलावडे, सचिन खेडेकर, भरत जाधव, कमलेश सावंत, क्रांती रेडकर, अनिकेत विश्वासराव, मृणाल कुलकर्णी, प्रसाद ओक, प्रार्थना बेहेरे, प्राजक्ता माळी, रिंकु राजगुरु, सिद्धार्थ जाधव, सायली संजीव, संस्क्रुती बालगुडे, संतोष जुवेकर,स्पृहा जोशी, श्रुती मराठे, वैदेही परशुरामी, आरोह वेलणकर, अक्षय केळकर, निखिल चव्हाण, रोहित फाळके, राधा कुलकर्णी हे कलाकार पहायला मिळत आहेत.