अभिनेता सिद्धार्थ चांदेकर ( Siddharth Chandekar )आणि मिताली मयेकर (Mitali Mayekar) हे मराठी चित्रपटसृष्टीतील एक गोड जोडपं. दोघंही सोशल मीडियावर प्रचंड सक्रिय असतात. दोघांचे क्युट आणि रोमॅन्टिक फोटो, व्हिडीओ, रिल्स क्षणात व्हायरल होतात. सध्या या कपलने असंच एक मजेशीर रील शेअर केलं आहे. होय, ही रील तर भन्नाट आहेच. पण यावर मितालीनं केलेली कमेंट चांगलीच लक्षवेधी ठरली आहे. मिताली गेल्या काही दिवसांपासून गोव्यात होती. गोव्यात सुट्टी घालवण्यासाठी ती गेली होती. खूप दिवसानंतर मिताली घरी परतली आणि नवरोबाचा आनंद गगनात मावेनासा झाला. होय, खूप दिवसांनी मितालीला पाहून सिद्धार्थला इतका आनंद झाला की विचारू नका.
हा आनंद त्यानं कसा व्यक्त केला? तर यासाठी तुम्हाला बातमीसोबतचं रील बघावं लागेल. ‘खूप दिवसांनी जेव्हा तिची भेट होते...,’ असं कॅप्शन देत सिद्धार्थने हे रील शेअर केलं आहे.
सिद्धार्थ व मितालीच्या या फनी रीलवर अनेक सेलिब्रिटींनी कमेंट्स केल्या आहेत. पण सगळ्यात खास आहे ती मितालीची कमेंट. होय, नवऱ्यानं शेअर केलेल्या या फनी रीलवर मितालीनं केलेल्या कमेंटचीच सध्या चर्चा आहे. ‘हा..हा...हा.... इडियट...,’अशी कमेंट मितालीनं केली आहे.