सोशल मीडियावर बॉलिवूड सेलिब्रेटींना त्यांच्या फोटो, व्हिडिओ आणि स्टेटमेंटमुळे बऱ्याचदा ट्रोल केले जाते. मात्र मराठी चित्रपटसृष्टीत ट्रोल करण्याचे प्रमाण तितके नाही. मात्र आता मराठी अभिनेत्री केतकी चितळे हिला ट्रोल करण्यात आलं आहे.
केतकीने सोशल मीडियावर एक व्हिडिओ काही दिवसांपूर्वी शेअर केला होता. त्या व्हिडिओत तिने आपले सर्व फॉलोअर्स हे मराठी नसून हिंदी इंग्लिश देखील आहेत असे सांगत व्हिडिओमध्ये हिंदीत बोलणार असल्याचे सांगितले आणि ती हिंदीत बोलत असल्यामुळे तिला अनेकांनी ट्रोल करायला सुरुवात केली. पण तिनेदेखील ट्रोलर्सना चांगलेच प्रत्युत्तर दिले आहे.
केतकी चितळेचा हा व्हिडिओ अनेकांनी शेअर करून तिला मराठीची लाज वाटत असल्याची टीका करून तिला ट्रोल केले. इतकेच नाही तर अनेकांनी अतिशय वाईट पद्धतीने तिच्यावर टीका केली. तिच्यावर केलेल्या टीकेला तिने नुकतेच व्हिडिओच्या माध्यमातून उत्तर दिले आहे. तिने टीका करणाऱ्यांना चांगलेच खडेबोल सुनावले आहेत. इतकेच नाही तर मराठीची शाळा देखील घेतली.