अभिनेत्री श्रुती मराठे सोशल मीडियाच्या माध्यमातून नेहमीच आपल्या फॅन्सच्या संपर्कात असते. श्रुतीच्या अभिनया इतकीच तिच्या सौंंदर्याची चर्चा असते. श्रुती इन्स्टाग्रामवर आपली भूमिका, सेटवरील किस्से यासह स्वतःचे फोटो आणि व्हिडीओ शेअर करत असते. तिच्या अभिनयासह तिचं सौंदर्य आणि अदा रसिकांना भावल्या आहेत. श्रुतीने तिचे हॉट आणि बोल्ड फोटो शेअर केले आहेत. ज्यामुळे ती चर्चेत आली आहे. तिला या फोटोंमुळे ट्रोलर्सनी ट्रोल केलं आहे.
लस घ्यायला ड्रेस, लस घेतली का मॅडम असे प्रश्न कमेंटमधून करुन ट्रोल केलं जातंय. श्रुतीने यावर अद्याप आपली कोणतीच प्रतिक्रिया दिलेली नाही. सेलिब्रेटींना सोशल मीडियावर ट्रोल करण्याची ही काही पहिली वेळ नाही. काहीच दिवसांपूर्वी तेजस्विनी पंडितला देखील इन्स्टाग्रामवर ट्रोल करण्यात आले होते.
तमिळ सिनेमा 'इंदिरा विजहा'ने मधून तिने आपल्या अभिनय कारकिर्दीला सुरुवात केली.श्रुतीने तमिळमधील 'प्रेम सूत्र', मराठीतील 'सनई चौघडे'सारखे सुपरहिट चित्रपट दिले आहेत.