मराठी आणि हिंदी चित्रपटसृष्टीतील प्रसिद्ध अभिनेते मिलिंद गुणाजी (Milind Gunaji) व राणी गुणाजी (Rani Gunaji) यांचा मुलगा अभिषेक गुणाजी (Abhishek Gunaji) हा नुकताच राधा पाटीलसोबत लग्न बंधनात अडकला. या दोघांच्या जोडप्याची चर्चा ही त्यांच्या साखरपुड्याच्या वृत्तानंतर खूप रंगली होती. त्यांचे सोशल मीडिया वरील फोटो व त्यांचा विलक्षण जोडा हा सध्या मराठी आणि हिंदी चित्रपट सृष्टीचा चर्चेचा विषय आहे. अभिषेक आणि राधा यांचा विवाह, मालवण येथे नयनरम्य वातावरणात पार पडला.
मिलिंद आणि राणी गुणाजी मराठी आणि हिंदी इंडस्ट्रीतील उत्कृष्ट अभिनेते व सूत्रसंचालक आहेत. त्यांनी आपले आशीर्वाद देत अभिषेक आणी राधा यांच्या ‘अनोख्या डेस्टिनेशन वेडिंग’ संकल्पनेचे कौतुक केले आहे. भारतात विशेषतः महाराष्ट्रातील निसर्ग आणि साधेपणाची संस्कृती जपत लग्न करण्याचा निर्णयाला त्यांनी पाठिंबा दिला.
अभिषेक हा आय.टी. अभियंता आहे, जो आता चित्रपट आणि निर्मितीच्या प्रेमात पडला होता. अभिषेकाची पत्नी राधा, हि देखील मुंबईत फार्मा क्षेत्रात काम करत आहे.
अभिषेकने अलीकडेच सुमित राघवन आणि मिलिंद गुणाजी यांच्या सोबत 'छल' हा लघुपट दिग्दर्शित केला आहे. या लघुपटाला बर्लिन फ्लॅश फिल्म फेस्टिव्हलमध्ये नामांकन मिळाले आहे. या व्यतिरिक्त अभिषेक व्यावसायिक जाहिरातींसाठी देखील काम करत आहे.