अभिनेत्री नेहा पेंडसेच्या इन्सटाग्राम अकाउंटवर तुम्ही नजर टाकली असता तुम्हाला तिचे वेगवेगळ्या अंदाजातील ग्लॅमरस फोटो पाहायला मिळतील. मात्र नुकताच तिने तिच्या बॉयफ्रेंडसोबतचा फोटो इंस्टाग्रामवर शेअर केला आणि तिची एगेंजमेंट झाल्याच्या चर्चांना उधाण आलं. खरंतर काही दिवसांपूर्वी अभिनेता अभिजीत खांडकेकरनं केलेल्या एका पोस्टमुळे नेहाच्या लग्नाच्या चर्चा सुरू झाल्या होत्या. मात्र त्यावेळेस या वृत्तात तथ्य नसल्याचं सांगितलं होतं.
नेहा पेंडसेनं त्यावेळी तिने तथ्य नसलं असल्याचं सांगितलं तरी आता तिच्या या फोटोमुळे लग्नाची बातमी कन्फर्म झाली असून नेहा लवकरच शार्दुल सिंग बयास या बिझनेसमनसोबत लग्नबेडीत अडकणार आहे.
मीडिया रिपोर्ट्सनुसार, शार्दुल सिंग बयास हा एक बिझनेसमन असून नेहा आणि शार्दुलनं मिलान इथे खासगी साखरपुडा केला आहे. लवकरच ते लग्न करणार असल्याचं बोललं जातं आहे.
नेहाने अनेक मराठी तसेच हिंदी मालिका, चित्रपट आणि रिअ‍ॅलिटी शोमधून स्वतःची ओळख निर्माण केली आहे. मराठी मनोरंजन क्षेत्रात काम करण्याआधी तिने दक्षिण भारतीय चित्रपटांमधून देखील काम केलं होतं.
झी मराठीवरील भाग्यलक्ष्मी या मालिकेत तिने सहनशील गृहिणीची भूमिका केली होती. तिची ही मालिका चांगलीच गाजली होती.