खरं तर अभिनेत्री अलका कुबल यांना वेगळ्या परिचयाची गरज नाहीये.अनेक मराठी सिनेमांमध्ये आपल्या अभिनयाचा वेगळा ठसा उमटवला आहे.रुपेरी पडद्यावर सून, लेक अशा व्यक्तीरेखा साकारणा-या अभिनेत्री अलका कुबल यांनी त्यांच्या भूमिकेने रसिकांची मनं जिंकलीत. एक्टिंगपासून ते निर्मितीपर्यंत अलका कुबल यांनी आज आपला ठसा उमटवला आहे.
वैविध्यपूर्ण आव्हानात्मक भूमिका आणि सिनेमातून करियरच्या सुरुवातीलाच सा-याचं लक्ष वेधून घेणा-या अलका कुबल यांच्यावर आजही रसिक तितकेच प्रेम करतात. 'माहेरची साडी' या चित्रपटामुळे त्यांची एक वेगळी ओळख निर्माण झाली.अलका कुबल यांचे पती समीर आठल्ये हे फिल्म इंडस्ट्रीतील एक दिग्गज सिनेमेटोग्राफर म्हणून ओळखले जातात. अलका आणि समीर यांनी प्रेमविवाह केला. अलका कुबल-आठल्ये आणि समीर आठल्ये यांना इशानी आणि कस्तुरी या दोन लेकी आहेत.
मुळात इशानीला लहानपणापासूनच वैमानिक व्हायचे स्वप्न होते. ती आपल्या ध्येयावर ठाम होती. जिद्द आणि मेहनतीमुळे तिने आपल्या करिअरचा वेगळा मार्ग निवडत काहीतरी वेगळे काम करत स्वतःला सिद्ध केले.
इशानीने तिच्या क्षेत्रात मोठे नाव कमावले आहे. इशानीला २०१५ मध्ये वैमानिकाचं ‘लाइफटाइम लायसन्स’ मिळालं आहे. दिल्लीतला निशांत वालियासोबत तिचे लग्न झाले आहे.दुसरी मुलगी कस्तुरीन देखील परदेशात डरमॅटोलॉजिस्टचे शिक्षण घेत आहे.