गायक किशोर कुमार यांची आज पुण्यतिथी आहे. किशोर कुमार यांचं निधन 13 ऑक्टोबर 1987साली झाले. तेव्हा किशोर कुमार 57 वर्षांचे होते. आज त्यांच्या निधनाला अनेक वर्षं झाली असले तरी त्यांची गाणी, त्यांचे चित्रपट प्रेक्षकांच्या मनात ताजे आहेत. किशोर कुमार यांच्या व्यवसायिक आयुष्याइतकेच त्यांचे वैयक्तिक आयुष्य देखील नेहमीच चर्चेचा विषय राहिले. किशोर कुमार यांनी चार लग्न केली होती.
रूमाशी घटस्फोट झाल्यानंतर किशोर कुमार यांनी प्रसिद्ध सिने अभिनेत्री मधुबाला यांच्याशी विवाह केला. त्यावेळी मधुबालाने आपल्या सौंदर्याने अनेकांना घायाळ केलं होतं. मधुबाला या मुसलमान असल्याने किशोर कुमार यांनी त्यांच्यासोबत लग्न करण्यासाठी धर्मांतर केले होते. त्यांनी मुस्लीम धर्म स्वीकारून करिम अब्दुल असे त्यांचे नाव ठेवले होते. पण लग्नाच्या आधीपासूनच मधुबाला आजारी होत्या. लग्नाच्या काहीच वर्षांनंतर त्यांचे निधन झाले.
योगिता यांच्यासोबत घटस्फोट झाल्यानंतर किशोर यांच्या आयुष्यात अभिनेत्री लीना चंदावरकर यांची एन्ट्री झाली. आयुष्यात चौथ्यांदा आणि शेवटचं लग्न किशोर कुमार यांनी लीना सोबत केलं. या दोघांना एक मुलगाही असून त्याचं नाव सुमित कुमार आहे. लीना आणि किशोर यांच्या वयात 21 वर्षांचं अंतर होतं. त्यामुळे किशोर यांचे आई-वडील या नात्याच्या विरोधात होते.