किम कर्दाशियां बोल्ड फोटो व स्टाईलमुळे जगभरात प्रसिद्ध आहे. नुकताच तिने तिच्या मुलगीचा सापांसोबत खेळतानाचा व्हिडिओ शेअर केला आहे. हा व्हिडिओ शेअर करून तिने तिच्या मुलीला शूर म्हटलं आहे. मात्र हा व्हिडिओ जास्त लोकांना आवडला नाही. काही लोकांनी हा व्हिडिओ पाहून तिच्या मुलीचं कौतूक केलं तर काहींनी तिच्या पालकत्वावर टीका केली.
किम कर्दाशियांने काही दिवसांपूर्वी तिच्या मुलीचा एक व्हिडिओ शेअर केला होता. या व्हिडिओत तिची मुलगी पिवळ्या रंगाचा साप गळ्यात लटकवून त्याच्यासोबत खेळताना दिसली. हा व्हिडिओ शिकागोमधील आहे. हा व्हिडिओ शेअर करत किमनं तिची मुलगी शूर असल्याचं सांगितलं.
काही लोकांना हा व्हिडिओ आवडला नाही. त्यांनी किमवर टीका करत तिला बेजबाबदार म्हटलं. एका युजरनं म्हटलं की, ही एक बेजबाबदार पालक आहे. एक लहान मुलं एक विषारी आणि एक बिनविषारी सापांसोबत असताना तिला फरक पडत नाही. तिला साप पकडण्यासाठी प्रोत्साहन दिलं जात आहे.