चित्रपट निर्माते आणि सेन्सॉर बोर्डाचे माजी अध्यक्ष पहलाज निहलानी यांनी दिवंगत अभिनेत्री दिव्या भारतीबाबत धक्कादायक खुलासा केला आहे. एका अभिनेत्यामुळे दिव्या भारतीने त्यांचा ब्लॉकबस्टर चित्रपट 'आंखे' नाकारल्याचा दावा चित्रपट निर्माते निहलानी यांनी केला आहे. त्यांनी सांगितले की, १९९३ मध्ये जेव्हा त्यांना दिव्याला आंखेमध्ये कास्ट करायचे होते, तेव्हा या चित्रपटातील अभिनेत्याचे नाव ऐकून तिला खूप धक्का बसला आणि तिने या नायकासोबत काम करण्यास स्पष्टपणे नकार दिला. एवढेच नाही तर तिने तिच्या घरातील दिग्गज चित्रपट निर्मात्यावर ताशेरे ओढले आणि या अभिनेत्याची नायिका बनण्यास नकार दिला.
पहलाज निहलानी यांनी 'बॉलिवूड ठिकाना'शी संवाद साधताना हा खुलासा केला. संभाषणादरम्यान, पहलाज निहलानी यांना जेव्हा विचारण्यात आले की दिव्या भारती सुद्धा त्यांच्या ब्लॉकबस्टर चित्रपट आंखेचा सुरुवातीला एक भाग होती का? उत्तर देताना ज्येष्ठ चित्रपट निर्माते म्हणाले की, 'होय, हे खरे आहे. याआधी आँखेंमध्ये दिव्या भारती, पूजा भट्ट आणि जुही चावला होत्या. पण दिव्याला या चित्रपटात चंकी पांडेची हिरोईन बनणार असल्याचे समजताच तिने हा चित्रपट करण्यास नकार दिला.
पहिल्या भेटीची आठवणदिव्या भारतीसोबतच्या पहिल्या भेटीची आठवण करून देताना पहलाज म्हणाले की, जेव्हा ते दिव्याला पहिल्यांदा भेटले तेव्हा त्यांनी तिला वजन कमी करण्याचा सल्ला दिला होता. पहलाज यांच्या म्हणण्यानुसार, सनी देओलच्या सेक्रेटरीने त्यांना दिव्याचे फोटो दाखवले होते. ते पुढे म्हणाले की 'मी म्हणालो- तिला वजन कमी करायला लाव. त्यावर काम करा. तोपर्यंत गोविंदासोबत शोला और शबनमचे शूटिंग सुरू झाले होते. पण, माझ्याकडे थोडा वेळ होता. ५-६ दिवसांचे शूटिंग बाकी होते. नायिकेशिवाय माझे काम संपले होते.
दिव्याने चंकी पांडेची हिरोईन होण्यास दिला स्पष्ट नकार
पहलाज निहलानी पुढे म्हणाले, 'फिल्मसिटीमध्ये शूटिंग सुरू असताना दिव्या सेटवर आली. चित्रपटाचे शूटिंग पूर्ण होण्याच्या ५-६ दिवस आधी दिव्याने शूटिंग सुरू केले. या चित्रपटाचे दिग्दर्शन डेव्हिड धवन करत होते. आंखेबद्दल बोलताना पहलाज निहलानी म्हणाले की, 'होय, सुरुवातीला पूजा भट, दिव्या भारती आणि जुही चावला या चित्रपटाचा भाग होत्या. मी ठरवलं की दिव्याला चंकी पांडे आणि रितू शिवपुरीला गोविंगा विरुद्ध कास्ट करायचं.पण, जेव्हा डेव्हिडने दिव्याला याची माहिती दिली तेव्हा तिला धक्काच बसला. तिने मला फोन करून धमक्या देण्यास सुरुवात केली. मी दिव्याला भेटायला गेलो तेव्हा ती मला म्हणाली की, मी ऐकले की तुम्ही मला चंकी पांडेसोबत कास्ट करण्याचा विचार करत आहात. मी हो म्हटल्यावर तिने लगेचच चित्रपटात काम करण्यास नकार दिला. ती म्हणाली की ती चंकी पांडेची हिरोईन बनणार नाही.