बॉलिवूड अभिनेता सुशांत सिंग राजपूतचा जवळचा मित्र संदीप सिंग सध्या चाहत्यांच्या निशाण्यावर आहे. सोशल मीडियावर सुशांतच्या निधनाशी निगडीत बऱ्याच गोष्टी समोर येत आहेत. यादरम्यान संदीप सिंग व अंकिता लोखंडेचे काही फोटो पाहिल्यानंतर सुशांतचे चाहते संदीप सिंगवर वैतागले आहेत आणि त्याला चांगलेच खडेबोल सुनावत आहेत. खरेतर हे फोटो पीएम नरेंद्र मोदी बायोपिकच्या प्रीमियर दरम्यानचे आहेत.
अंकिता लोखंडे आपल्या फ्रेंडचा सिनेमा पीएम नरेंद्र मोदीला सपोर्ट करण्यासाठी गेली होती. या प्रीमियर वेळचे संदीप व अंकिता यांचे फोटो पाहून सुशांतच्या चाहत्यांचा संताप अनावर झाला आहे.
सुशांतच्या निधनाच्या वृत्तामुळे अंकिता लोखंडे कोलमडून गेली आहे. जेव्हा अंकिता सुशांतच्या घरातल्यांना भेटण्यासाठी वांद्रे येथील फ्लॅटवर गेली होती तेव्हा तिचे पाय थरथरत होती आणि खूप रडत होती.