मेक इन इंडियाच्या थीमवर आधारित अनुष्का शर्मा आणि वरुण धवन यांचा सुई-धागा सिनेमा गत शुक्रवारी प्रेक्षकांच्या भेटीला आला आहे. या सिनेमाला पहिल्याच दिवशी प्रेक्षकांची पसंती मिळाली आहे. पहिल्याच दिवशी सिनेमाला 8. 5 कोटींचे ओपनिंग मिळाले आहे. विकेंडला हा सिनेमा आणखीन चांगला गल्ला जमावले.
सिनेमाच्या प्रमोशनमध्ये अनुष्का आणि वरुणने कोणतीच कसर सोडली नाही. भारतातल्या 2,200 स्क्रिनवर हा सिनेमा प्रदर्शित झाला आहे. ‘सुई-धागा’ या सिनेमाची कथा मध्य प्रदेशात रंगणार आहे. या ठिकाणी बहुतांशी नागरिक येण्या जाण्यासाठी सायकलचा वापर करतात. त्यामुळे सुई धागा सिनेमात वरुण-अनुष्का सायकलवर फिरताना पाहायला मिळणार आहेत. ‘सुई-धागा’ या सिनेमातून हे दोघंही आजवर कधीही पाहिलं नाही अशा अनोख्या अंदाजात रुपेरी पडद्यावर झळणार आहेत. या सिनेमात एका दाम्पत्याची कथा सांगण्यात आली आहे. जे अनेक खस्ता खात स्वत:चा व्यवसाय सुरु करतात. वरुण धवन आणि अनुष्का शर्मा पती-पत्नीच्या भूमिकेत आहेत. सिनेमाची कथा ममता(अनुष्का) आणि मौजी(वरुण धवन) यांची आहे. मौजी हा लहान-मोठी नौकरी करत असतो, त्याला मालकाकडून अनेक वेळा अपमानाचा सामना करावा लागतो. तर ममता गृहिणी आहे. नवऱ्याच्या सततच्या अपमानामुळे व्यतित ममता त्याला नोकरी सोडून स्वत:चे काम करण्याचा सल्ला देते. मौजी नोकरी सोडतो आणि शिलाईचा व्यवसाय उघडतो. यामध्ये ममता त्याला खूप प्रोत्साहन व सहकार्य करताना दाखवली आहे.