बॉलिवूडचा भाईजान सलमान खानबद्दल वाईट बोलण्याची कोणाची हिंमत नाही. असे सांगितले जाते की सिनेइंडस्ट्रीत टिकून राहायचे असेल तर दबंग खानचा आदर ठेवावा लागतो त्याच्याशी पंगा घेऊन चालत नाही. मात्र कमाल आर खानने सलमान खानवर निशाणा साधत असतो. कमाल आर खानने सलमान खान विरोधात केलेले ट्विटबद्दल सर्वांनाच माहित आहे. त्या दोघांची भांडणे कोर्टापर्यंत गेली आहेत.
केआरकेनंतर आता सोफिया हयातने सलमान खानविरोधात हल्लाबोल केला आहे. सोफिया हयातने सलमान खानवर बकवास चित्रपट बनवण्यासोबत रणदीप हुडाचे करिअर बर्बाद केल्याचा आरोप केला आहे.
सोफिया म्हणाली की, रणदीप हुडाला इंडस्ट्रीत राहायचे आहे, त्यामुळे त्याने राधेसारखा बकवास चित्रपट केला. कारण जर त्याने ही भूमिका नाकारली असती तर त्याला बॉलिवूडमधून बाहेरचा रस्ता दाखवला असता. रणदीपकडून इतकी बकवास भूमिका साकारायला लावून सलमान खानने त्याचे करिअर बर्बाद केले आहे.
सोफियानुसार, सलमान खान प्रत्येक वर्षी ईदला आपला चित्रपट रिलीज करतो. तो धार्मिक सणांचा फायदा घेतो कारण चित्रपटाची कमाई जास्त होईल. तो आपल्या चित्रपटात बकवास लाईन्स आणि जुन्या सीन्सचा वापर करतो. त्याच्या सिनेमात काहीच नाविन्य नसते. राधेचा ट्रेलर पाहिल्यानंतर माझ्या डोक्यात हाच विचार आला होता की, हे सर्व मी आधीच पाहिलेले आहे.