बॉलिवूड अभिनेता शाहिद कपूरची पत्नी मीरा राजपूत कपूर भलेही सिनेइंडस्ट्रीत कार्यरत नसली तरी ती सोशल मीडियावरील ग्लॅमरस फोटोंमुळे चर्चेत येत असते. बऱ्याचदा तिला ट्रोलिंगचाही सामना करावा लागतो. तसेच तिचे फोटो सोशल मीडियावर व्हायरल होताना दिसतात. नुकताच तिने इंस्टाग्रामवर शेअर केलेला व्हिडिओ खूप चर्चेत आला आहे. या व्हिडीओतील तिचा लूक पाहून सर्वजण हैराण झाले आहेत.
मीरा कपूर तिच्या फिटनेसबाबत खूप जागरूक आहे. बऱ्याचदा ती इंस्टाग्रामच्या माध्यमातून चाहत्यांना अपडेट देत असते. मात्र नुकताच इंस्टाग्रामवर शेअर केलेला व्हिडीओ पाहून सर्व हैराण झाले आहेत. तिने शेअर केलेल्या या व्हिडिओत लिप सर्जरी केल्याचे पहायला मिळते. या सर्जरीमुळे तिच्या ओठांचा आकारच बदलला आहे आणि गाल सुजलेले दिसत आहेत. हा व्हिडिओ समोर येताच अनेकांनी कमेंट करत तिला लिप सर्जरी का केली? असा प्रश्न विचारायला सुरुवात केली आहे. मीराचा हा व्हिडिओ व्हायरल होत आहे.
खरेतर मीरा राजपूत कपूरने आपल्या चेहऱ्यावर कोणत्याही प्रकारची सर्जरी केलेली नाही. तिने शेअर केलेल्या या व्हिडिओत तिचा लूक वेगळा दिसतो आहे मात्र या व्हिडिओच्या शेवटी तिचा सध्याचा ग्लोईंग लूक तिने शेअर केला आहे.
तिने या व्हिडिओत इंस्टाग्रामचा एक फिल्टर वापरला आहे. ज्यामुळे तिचा चेहरा पाहून अनेकजण हैराण झाले होते. तिने या व्हिडिओत त्वचेच्या काळजी घेण्यासंदर्भातील टिप्स शेअर केल्या आहेत.