बॉलीवूडमधला ‘मिस्टर डिपेंडेबल’ म्हणून ओळखला जात असलेल्या अभिनेता अजय देवगनची 100 वी कलाकृती असलेल्या तान्हाजी चित्रपटाने कमाल केली आहे. 400 कोटींहून अधिक कमाई केलेल्या ह्या सिनेमाने बॉक्स ऑफिसवर आपली मोहोर उमटवतच लोकप्रियतेच्या चार्टवरही अजय देवगन नंबर वन स्थानी विराजमान झालेला आहे.
जानेवारी महिन्यात तान्हाजी चित्रपटामूळे अजय देवनगच्या लोकप्रियतेत चांगलीच वाढ झालेली दिसून येतेय. तान्हाजी चित्रपटाच्या प्रमोशनच्यामूळे वर्षाच्या सुरूवातीच्या महिन्यात अजयने लोकप्रियतेत चौथे स्थान मिळवले होते. पण चित्रपट सिनेमागृहांमध्ये झळकताच अजय देवगनच्या लोकप्रियतेत वाढ झाली आणि अजय पहिल्या स्थानी पोहोचला.
तान्हाजीच्या रिलीजवेळीच सुपरस्टार रजनीकांतचा दरबार चित्रपटही झळकला. ह्या सिनेमाच्या लोकप्रियतेमूळे रजनीकांतच्याही लोकप्रियतेत वाढ झालेली दिसून येतेय. साउथ सुपरस्टार रजनीकांत आपल्या सिनेमाच्या रिलीजवेळी सातव्या स्थावार होते. तर चित्रपट रिलीज झाल्यावर ते सातव्या स्थानावरून पाचव्या स्थानी पोहोचले. सुपरस्टार रजनीकांत ह्यांना लोकप्रियतेत बॉलीवूडच्या तीन महारथींनी चांगलीच टक्कर दिली आहे. सलमान खान, अमिताभ बच्चन आणि अक्षय कुमार ह्या बॉलीवूडच्या तीन सुपरस्टार्सनी लोकप्रियतेत रजनीकांत ह्यांना मागे टाकले आहे. अमेरिकेच्या स्कोर ट्रेंड्स इंडिया ह्या मिडिया-टेक कंपनीने लोकप्रियतेच्या निकषांवर आधारित ही लिस्ट दिली आहे.
भारतीय सिनेमाचे महानायक अमिताभ बच्चन 49.53 गुणांसह तिस-या स्थानावर आहेत. तर ब्लॉकबस्टर 'कुमार' म्हणून ओळखला जाणारा अक्षयकुमार आपल्या गुड न्यूज सिनेमाच्या सक्सेसमूळे बॉक्स ऑफिससोबतच लोकप्रियतेतही पूढे आहे. 31.98 गुणांसह अक्षय चौथ्या पदावर आहे. लिव्हिंग लिजेंड रजनीकांत 26.17 गुणांसह लोकप्रियतेत पांचव्या स्थानावर आहेत.
“डिजिटल प्लॅटफॉर्म आणि न्यूज पोर्टल्सवर अजय देवगनची लोकप्रियता वाढलेली दिसून आलीय. तान्हाजीच्या लोकप्रियतेने बॉक्स ऑफिस तर कमाल केलीच. पण त्यासोबतच सिनेमा पाहायला आलेल्या प्रेक्षकांनी चित्रपटगहांमध्ये केलेल्या शिवरायांचा आणि तान्हाजीच्या जयजयकाराची क्लिपही खूप व्हायरल झाली. ह्या व्हिडियो क्लिपमूळेही तान्हाजीची लोकप्रियता दुप्पट झाली. ज्यामूळे अजय देवगनच्या लोकप्रियतेत वाढ झालेली आहे.“