सुपरस्टार आमिर खान जे काही करतो ते अगदी परफेक्ट करतो. मग स्वत:ला एखाद्या भूमिकेत वा व्यक्तिरेखेत अक्षरश: झोकून देणे असो वा चित्रपट बनवणे असो. अलीकडे आमिरने आपल्या मुलासोबत म्हणजे चिमुकल्या आझादसोबत पिकनिक साजरी केली. यातही आमिरने परफेक्शन दाखवले. आमिर आणि त्याची पत्नी किरण राव दोघांनीही या पिकनिकसाठी कार्टून लूक धारण केला.
2002 मध्ये आमिरने रीनाला घटस्फोट दिला आणि 2005 मध्ये आमिरने किरणसोबत दुसरा संसार थाटला. आझाद हा आमिर व किरण रावचे पहिले अपत्य आहे. पहिल्या पत्नीपासून आमिरला एक मुलगा व एक मुलगी असे दोन मुले आहेत.अलीकडे आमिरचा ‘ठग्स आॅफ हिंदुस्तान’ रिलीज झाला. या चित्रपटात आमिर व अमिताभ बच्चन प्रथम एकत्र दिसले. हा चित्रपट बॉक्सआॅफिसवर कमाल करेल, असे वाटत असताना प्रेक्षकांनी मात्र या चित्रपटाकडे पाठ फिरवली. ‘ठग्स आॅफ हिंदुस्तान’नंतर आमिरने अद्याप कुठल्याही प्रोजेक्टची घोषणा केलेली नाही. तूर्तास तरी आमिर आपल्या कुटुंबाला वेळ देताना दिसतोय.