‘हम भी कुछ कम नहीं’ असे जगाला दाखवून देणारे अनेक स्टार किड्स सध्या चर्चेत आहेत. अभिनेता संजय कपूर याची लाडकी लेक म्हणजे शनाया कपूर यापैकीच एक. सोनम कपूरच्या लग्नातील शनाया भलतीच भाव खाऊन गेली आणि ती अचानक चर्चेत आली. शनाया बॉलिवूडमध्ये येणार, अशी अनेक दिवसांपासून चर्चा आहे. पण तूर्तास तरी ती याबद्दल काहीही बोललेली नाही. बॉलिवूड पदार्पणाबद्दल काहीही न बोलणारी ही शनाया सोशल मीडियावर मात्र कमालीची अ‍ॅक्टिव्ह आहे. शनाया स्वत:चे अनेक फोटो सोशल मीडियावर शेअर करत असते. पण आता तिच्या बाबाने तिचे काही फोटो शेअर केले आहेत. या फोटोंमध्ये ती इतकी सुंदर दिसतेय की पाहणा-याची नजर हटणार नाही.
आपली फॅशन, स्टाईल याबाबत शनाया बरीच सजग असते. कुठेही बाहेर जाताना आपली ड्रेसिंग स्टाईल, फॅशन याची शनाया विशेष खबरदारी घेते. बॉलीवूडचे इव्हेंट्स, पार्ट्या आणि पुरस्कार सोहळ्यांमध्ये शनाया पाहायला मिळते.बाबांनी शेअर केलेल्या या फोटोतही शनायाचा अंदाज सगळ्यांना वेड लावणारा आहे.
ताज्या फोटोतील शनायाचा अंदाज, तिच्या चेह-यावरचा आत्मविश्वास बघता ती भविष्यात चांगली अभिनेत्री बनणार, हे नक्की.
अद्याप शनाया कोणत्याही सिनेमात झळकली नाही तरीही तिचा सोशल मीडियावर प्रचंड मोठी फॅन फोलोविंग आहे.