भाईजान लॉकडाऊननंतर सात महिन्यांनी आगामी सिनेमा 'राधे'च्या शूटिंग सुरुवात करणार आहे. सलमान खान 2 ऑक्टोबरपासून एनडी स्टुडिओमध्ये राधेचे शूटिंग सुरु करतो आहे. 15 दिवसांच्या शूटिंगनंतर फायनल पॅचअप वर्क महबूब स्टुडिओमध्ये करण्यात येईल. या दरम्यान यावेळी कोरोना व्हायरसला लक्षात घेऊन सेटवर विशेष व्यवस्था केली जाईल.
कुणाचा गोंधळ होऊन नये म्हणून क्रू ला एक व्हिडीओ करुन सेटवर फॉलो करायच्या प्रोटोकॉलची माहिती देण्यात आली आहे. रिपोर्टनुसार, सेटवर डॉक्टरांच्या टीमबरोबर सलमान खानची स्वतःची वैयक्तिक टीमही हजर असेल. सोहेल खान म्हणाले की, सेटवर डॉक्टरांच्या सोबत हेल्थ आणि सेफ्टी ऑफिसर्स सुद्धा असणार आहेत. गाईडलाईन्स नुसार, टीमला वापरलेले पीपीए किट आणि मास्क फेकून देण्याच्या सूचनाही देण्यात आल्या आहेत.
‘राधे- योर मोस्ट वॉन्टेड भाई’ हा सिनेमा प्रभुदेवा दिग्दर्शित करतोय. सलमान यात मुख्य भूमिकेत आहे. त्याच्यासोबत दिशा पाटनी, रणदीप हुड्डा हे कलाकारही महत्त्वपूर्ण भूमिकेत आहेत.