कोरोना व्हायरसने सगळीकडे थैमान मांडले आहे. कित्येकांना या रोगाची लागण होत आहे तर कित्येक जणांचा बळी जात आहे. भारतात हा चौथा लॉकडाउन आहे. सामान्य लोकांसोबतच सेलिब्रेटीदेखील घरात कैद आहेत. यादरम्यान सेलिब्रेटींशी निगडीत काही स्टोरीज व्हायरल होत आहे. असाच एक दीपिका पादुकोण व सोनम कपूरचा किस्सा व्हायरल होतो आहे. त्या दोघी रणबीर कपूरबद्दल असं काही बोलल्या होत्या ज्यामुळे त्याचे वडील म्हणजेच अभिनेते ऋषी कपूर भडकले होते.ऋषी कपूर वादग्रस्त विधानांसाठी ओळखले जात होते. कित्येकदा वादग्रस्त विधानांमुळे चर्चेत येत होते. एकदा तर दीपिका पादुुकोण व सोनम कपूरवर इतके भडकले होते की त्यांच्या करियर व क्लासवर सवाल उपस्थित केला होता. खरेतर हे प्रकरण आहे 2010 सालचं. जेव्हा दीपिका पादुकोण व सोनम कपूर या दोघी करण जोहरचा लोकप्रिय टॉक शो कॉफी विद करणमध्ये गेल्या होत्या. या शोमध्ये करणने दीपिकाला विचारले होते की, तू रणबीर कपूरला गिफ्टमध्ये काय देऊ इच्छिते. त्यावर दीपिका म्हणाली होती की, रणबीरला मी एक कंडोमचे पॅकेट गिफ्ट म्हणून देईन. कारण तो त्याचा जास्त वापर करतो. सोबतच दीपिका हेही म्हणाली की, रणबीरने कोणत्यातरी कंडोम कंपनीची जाहिरातीत काम केले पाहिजे.
इतकंच नाही तर ते ही म्हणाले की या शोमध्ये दोघींना त्यांच्या वडिलांच्या कर्तृत्वामुळे बोलवले होते. कारण त्या दोघींनी अद्याप काहीच प्रतिष्ठा मिळवलेली नाही.