रेमो डिसूजाच्या मेव्हण्याने का केली आत्महत्या? बहिण लिजेलचा धक्कादायक खुलासा

Remo D'souza brother-in-law suicide : जैसन मुंबईत राहत्या घरी मृतावस्थेत आढळला. भावाच्या या टोकाच्या निर्णयाने रेमो डिसूजा व लिजेल यांच्यावर दु:खाचा डोंगर कोसळला आहे.

बॉलिवूडमधील प्रसिद्ध कोरियोग्राफर रेमो डिसूजा  (Remo D’souza) याचा मेव्हणा जैसन वाटकिंसन  (Jason Watkins) याने राहत्या घरी आत्महत्या केल्याने खळबळ माजली आहे. या घटनेनंतर जैसनची बहीण आणि रेमो डिसूजाची पत्नी लिजेल  (Lizelle D’souza) हिने इन्स्टास्टोरीवर भावाच्या फोटोंसोबत इमोशनल पोस्ट शेअर केली आहे.का? तू माझ्यासोबत असं कसं करू शकतोस? मी तुला कधीच माफ करणार नाही..., असं पहिल्या पोस्टमध्ये लिजेलने लिहिलं आहे.अन्य एका पोस्टमध्ये लिजेलने भाऊ  जैसन आणि आईचा फोटो शेअर केला आहे. यात जैसन त्याच्या आईसोबत ऑटोत बसलेला दिसतोय. या फोटोसोबत लिजेलने लिहिलेलं कॅप्शनही भावुक करणारं आहे.‘आई मला माफ कर... मी तुला निराश केलं...,’ असं लिजेलने लिहिलं आहे.

 म्हणून केली आत्महत्या..?जैसनच्या आत्महत्यनेनंतर लिजेलने धक्कादायक खुलासा केला आहे. तिने सांगितलं,  तीन वर्षांपूर्वी माझ्या आईचं निधन झालं होतं. आईच्या निधनाने माझा भाऊ जैसनला मोठा मानसिक धक्का बसला होता.  आईच्या निधनानंतर त्याची मानसिक स्थिती बिघडली होती. त्याने लग्नसुद्धा केलेलं नव्हतं. तो माझ्या आईच्या सर्वात जवळ होता. परंतु आईच्या जाण्याने तो पूर्णपणे नैराश्यात गेला होता. याच दरम्यान त्याला गांज्याचं व्यसन जडलं होतं. त्याने याच नशेत आत्महत्या केली असावा, अशी शक्यताही लिजेलने व्यक्त केली.  

जैसन  मुंबईत राहत्या घरी मृतावस्थेत आढळला. भावाच्या या टोकाच्या निर्णयाने रेमो डिसूजा व लिजेल यांच्यावर दु:खाचा डोंगर कोसळला आहे. भावाच्या मृत्यूची बातमी मिळाली, तेव्हा रेमो व लिजेल गोव्यात होते. एका लग्नसोहळ्यासाठी ते   गोव्याला गेले होते.  जैसन हा फिल्म इंडस्ट्री अनेक वषार्पासून काम करत होता. रेमो डिसूझा यांच्या सर्व प्रोजेक्टमध्ये तो असिस्टेंट डायरेक्टर म्हणून काम पाहायचा. मुंबई पोलीस सध्या या प्रकरणाचा तपास करत असून आत्महत्येचं कारण अस्पष्ट आहे.