ड्रामा क्वीन राखी सावंत प्रत्येक मुद्द्यावर आपलं मत मांडत असते आणि त्यामुळे ती बऱ्याचदा चर्चेत येत असते. गेल्या काही दिवसांपासून ती तिच्या लग्नामुळे चर्चेत आली आहे. तिने रितेश नामक एनआरआयसोबत गुपचुप लग्न केले आहे. तिने लग्न केेले असले तरी तिच्या नवऱ्याचा फोटो समोर आलेला नाही. तिच्या चाहत्यांना तिचं लग्न झाल्याच्या गोष्टीवर विश्वास नाही. भलेही राखीकडे कोणताही चित्रपट नसला तरीदेखील ती कमाईमध्ये भल्याभल्यांना मागे टाकेल.
चित्रपट अग्निचक्रमधून आपल्या करियरची सुरूवात करणाऱ्या राखी सावंत हिने हिट आयटम साँग केले आहेत. नुकतेच तिचे छप्पन छुरी हे आयटम साँग प्रदर्शित झालं आहे. या गाण्याच्या अनावरणावेळी राखी बोल्ड गेटअपमध्ये आली होती. तिचे या ड्रेसमधील फोटो खूप व्हायरल झाले. राखी सांवतने रिएलिटी शोमध्ये एन्ट्री केली आहे.
राखीची जास्त कमाई स्टेज परफॉर्मन्समधून होते. याव्यतिरिक्त ती भोजपुरी आयटम साँग करते. यातून तिला जास्त मानधन मिळते.