राष्ट्रीय पुरस्कार विजेत्या 'बधाई हो' सिनेमाच्या घवघवीत यशानंतर जंगली पिक्चर्स या सिनेमाचा सिक्वल घेऊन येत आहेत. 'बधाई दो' असं या सिनेमाचं नाव असून राजकुमार राव आणि भूमी पेडणेकर या सिनेमातून प्रेक्षकांना बधाई देताना दिसणार आहेत.
बधाई दो या सिनेमात राजकुमार राव एका पोलीस अधिकाऱ्याची भूमिका साकारणार आहे. एक असा पोलीस अधिकारी ज्याची ड्यूटी महिला पोलिस ठाण्यात लागते. भूमी या सिनेमात पीटी शिक्षिका दाखवण्यात आली आहे. भूमी पेडणेकर व राजकुमार राव पहिल्यांदाच या चित्रपटाच्या निमित्ताने एकत्र काम करताना दिसणार आहे.
जूनमध्ये या सिनेमाच्या चित्रीकरणाला सुरुवात होणार असून पुढच्या वर्षाच्या सुरुवातीला प्रेक्षकांच्या भेटीला येणार आहे. भूमी पेडणेकर व राजकुमार राव या दोघांची केमिस्ट्री रुपेरी पडद्यावर पाहणे कमालीचे ठरणार आहे.