कोरोना व्हायरसमुळे लॉकडाउन जाहीर करण्यात आले होते. तेव्हापासून अभिनेत्री राधिका आपटे लंडनमध्ये होती. त्यानंतर आता ती भारतात परतली आहे. मात्र आई वडिलांना भेटण्यापूर्वी तिला काही दिवस हॉटेलमध्ये राहून क्वारंटाइन राहावे लागणार आहे. भारतात राधिका नवीन चित्रपटाचे शूटिंग करणार आहे.
लंडनमध्ये जवळपास १० महिने राहिल्यानंतर राधिका आपटे भारतात परतली आहे. मात्र तिला पुण्यात राहणाऱ्या तिच्या आई वडिलांना भेटण्यास मनाई आहे. दोघेही वयस्कर आहेत आणि लंडनहून मुलीच्या प्रवासादरम्यान सातत्याने व्हिडीओ कॉलवर तिच्यासोबत संपर्कात होते.
क्वारंटाइमचा पूर्ण वेळ राधिकाने हॉटेलमध्ये व्यतित करण्याचा निर्णय घेतला आहे. या वेळेत नवीन स्क्रीप्ट्स वाचणे आणि लोकांसोबत फोनवर बोलण्यासाठी वापरते आहे. मिळालेल्या माहितीनुसार, राधिकाचा भारतात परतण्याचा हेतू आई वडिलांना भेटणे हा आहे. तसेच इथे एका नवीन चित्रपटाचे शूटिंगदेखील करणार आहे. ओटीटी प्लॅटफॉर्मसाठी बनणाऱ्या या चित्रपटाचे नाव अंडरकवर असल्याचे सांगितले जात आहे.