'पुष्पा' फेम समांथा प्रभूचा एक्स पती नागा चैतन्यच्या आयुष्यातील नव्या सुंदरीचा 'तो' व्हिडीओ झाला व्हायरल

Naga Chaitanya And Samantha Prabhu : समांथापासून विभक्त झाल्यानंतर नागा चैतन्य बॉलिवूडच्या या अभिनेत्रीला डेट करत असल्याचे बोलले जात आहे. दरम्यान आता या अभिनेत्रीचा व्हिडीओ व्हायरल होताना दिसत आहे.

अभिनेत्री शोभिता धुलिपाला(Shobita Dhulipala)चे नाव सध्या खूप चर्चेत आहे. खरं तर, ही अभिनेत्री सध्या साऊथचा सुपरस्टार नागा चैतन्य(Naga Chaitanya)सोबतच्या नात्यामुळे चर्चेत आहे. समांथाला घटस्फोट दिल्यानंतर नागा शोभिताच्या प्रेमात पडला असल्याच्या बातम्या आहेत. दरम्यान, आता शोभिता धुलिपालाचा एक व्हिडिओ सोशल मीडियावर प्रचंड व्हायरल होत आहे.

नुकताच आदिवी शेष यांच्या 'मेजर' चित्रपटात दिसलेल्या शोभिता धुलिपालाचा एक व्हिडिओ व्हायरल होत आहे ज्यामध्ये ती मिडल फिंगर दाखवताना दिसत आहे. नुकतीच सोशल मीडियावर त्याच्यावर टीका झाली आणि समांथा आणि नागा यांच्या घटस्फोटाला ती जबाबदार असल्याचा आरोप करण्यात आला. दरम्यान, आता शोभिता विमानात मिडल फिंगर दाखवत असल्याची व्हिडिओ क्लिप सोशल मीडियावर व्हायरल झाली आहे. शोभिता असे हावभाव का आणि कोणासाठी करत आहे हे अद्याप स्पष्ट झालेले नसले तरी, नेटिझन्सचा दावा आहे की ही शोभिताची नागा चैतन्यसोबतच्या लिंक-अपच्या अफवांवरची प्रतिक्रिया आहे.

तथापि, अपलोड करण्याची वेळ आणि तारीख सार्वजनिक करण्यात आलेली नाही. योगायोगाने, शोभिताने या अफवांचे खंडन केले आहे, त्यांना निराधार म्हटले आहे, तर नागा चैतन्यने अजिबात प्रतिक्रिया दिली नाही.

नागा चैतन्य ३५ वर्षांचा आहे, तर शोभिता त्याच्यापेक्षा पाच वर्षांनी लहान आहे आणि ३० वर्षांची आहे. सध्या नागा चैतन्य अभिनेत्री शोभिता धुलीपालाला डेट करत असल्याची चर्चा आहे. मीडिया रिपोर्ट्सनुसार, अभिनेता नुकताच शोभितासोबत त्याच्या नवीन घरात दिसला आहे. तेव्हापासून दोघेही एकमेकांना डेट करत असल्याच्या चर्चेला उधाण आले आहे.