करिना कपूरसोबत फ्लर्ट करू पाहणा-या कार्तिक आर्यनची लोकांनी अशी घेतली मजा!
By ऑनलाइन लोकमत | Published: March 29, 2018 10:06 AM
जिच्यावर लहानपणापासून ‘क्रश’ होता, त्या अभिनेत्रीसोबत कार्तिक आर्यनला रॅम्प वॉक करण्याची संधी मिळाली. ही अभिनेत्री कोण तर करिना कपूर.
करिना कपूरसोबत फ्लर्ट करू पाहणा-या कार्तिक आर्यनची लोकांनी अशी घेतली मजा!
अभिनेता कार्तिक आर्यन सध्या जोरात आहे. होय, कार्तिकचा ‘सोनू के टीटू की स्वीटी’ हा चित्रपट जितका जोरात आहे अगदी तितकाच. कार्तिकचा हा चित्रपट आला आणि कुणाच्याही ध्यानीमनी नसताना या चित्रपटाने १०० कोटींचा गल्ला जमवला. आता बॉक्सआॅफिसवरचे हे यश पाहून कार्तिक सुखावला नसला तर नवल. त्यातचं कार्तिकला आणखी एक लॉटरी लागली. ती म्हणजे, जिच्यावर लहानपणापासून ‘क्रश’ होता, त्या अभिनेत्रीसोबत कार्तिकला रॅम्प वॉक करण्याची संधी मिळाली. ही अभिनेत्री कोण तर करिना कपूर. होय, अलीकडे कार्तिक व करिना दोघेही मनिष मल्होत्राच्या एका फॅशन शोसाठी रॅम्प वॉक करताना दिसले. यानंतर लगेच कार्तिकने स्वत:च्या सोशल अकाऊंटवर करिनासोबतचा एक व्हिडिओ शेअर केला. या व्हिडिओ कार्तिक करिनासाठी ‘बनजा तू मेरी रानी...’ हे गाणे गात करिनाला इम्प्रेस करताना दिसतोय. अर्थात कार्तिकचे हे गाणे ऐकून करिना नावाची ही ‘रानी’ त्याच्यावर मेहरबान व्हावी, याआधीचं लोकांनी कार्तिकला गदागदा हलवून जागे केले.