पटनामधील मुसळधार पावसामुळे बऱ्याच ठिकाणी पाणी साचलं आहे. या पुरामुळे पटनातील कित्येक लोक अडकले आहे. या अडकलेल्या व्यक्तींमध्ये 'मैंने प्यार किया'च्या गायिका शारदा सिन्हा यांचाही समावेश आहे. शारदा सिन्हा पूर परिस्थितीमुळे राजेंद्र नगरमधील त्यांच्या घरात अडकल्या होत्या.
पूरामुळे घरात अडकलेल्या शारदा सिन्हा यांनी फेसबुकवर व्हिडिओ शेअर केला आणि सरकारकडे बचावासाठी मदत मागितली होती. त्यांनी फेसबुकवर लिहिलं होतं की, मी माझ्या घरात अडकले आहे आणि घराच्या बाहेर निघता येत नाही. यासोबतच पद्मश्री पुरस्कार प्राप्त शारदा सिन्हा यांनी एअरलिफ्ट सुविधेची मागणी केली होती.
शारदा सिन्हा यांनी बऱ्याच चित्रपटांसाठी गाणी गायली आहेत. त्यांनी सलमान खानच्या 'मैंने प्यार किया' चित्रपटासाठीदेखील गाणं गायलं होतं.